Bengali Rasgulla: भारतीय मिठाईंमध्ये रसगुल्ल्याला खास स्थान आहे. गोड पाकात मुरलेले, मऊ आणि स्पंजी रसगुल्ले लहानांपासून मोठ्यांपर्यंत सगळ्यांनाच आवडतात. सण, वाढदिवस किंवा कोणताही खास प्रसंग असो, रसगुल्ल्याशिवाय गोड पदार्थांची मजा अपुरीच वाटते. बाजारात मिळणारे बंगाली रसगुल्ले अनेकांना आवडतात, पण असेच मऊ आणि चविष्ट रसगुल्ले आता घरच्या घरीही सहज तयार करता येऊ शकतात. (Bengali Rasgulla) ही रेसिपी खूप सोपी असून कमी साहित्यामध्ये झटपट तयार होते. योग्य पद्धत वापरली तर हलवाईसारखे स्पंजी रसगुल्ले घरी बनवणे अजिबात कठीण नाही. रसगुल्ले बनवण्यासाठी सर्वात आधी एक लिटर फुल क्रीम दूध घ्यावे. दूध चांगले उकळल्यानंतर गॅस बंद करून त्यात लिंबाचा रस घालावा. त्यामुळे दूध फाटून त्याचे छेना तयार होईल. नंतर हे छेना स्वच्छ सुती कापडात गाळून घ्यावे आणि त्यावरील आंबटपणा जावा म्हणून स्वच्छ पाण्याने धुवावे. (Bengali Rasgulla) यानंतर कापडात बांधून छेनामधील अतिरिक्त पाणी काढून टाकावे. साधारण १० ते १५ मिनिटांनी छेना हाताने चांगला मळून गुळगुळीत करावा. यामध्ये थोडासा मैदा घालून लहान लहान गोळे तयार करावेत. गोळे तयार करताना त्यात भेगा राहणार नाहीत याची काळजी घ्यावी. Bengali Rasgulla: घरच्या घरी बनवा मऊ आणि स्पंजी बंगाली रसगुल्ले; पाहुणेही करतील भरभरून कौतुक! आता एका मोठ्या भांड्यात चार कप पाणी आणि साखर घालून पाक तयार करायला ठेवावा. पाकाला उकळी आल्यावर त्यात वेलची आणि थोडे केशर घालावे. त्यामुळे रसगुल्ल्यांना छान सुगंध आणि चव येते. (Bengali Rasgulla) पाक चांगला उकळू लागल्यानंतर तयार केलेले रसगुल्ल्याचे गोळे त्यात सोडावेत. भांड्यावर झाकण ठेवून ते साधारण १५ मिनिटे शिजू द्यावेत. शिजताना रसगुल्ले फुगून दुप्पट मोठे होतात आणि त्यांना छान स्पंजी टेक्स्चर येते. शेवटी रसगुल्ले थंड झाल्यावर त्यावर बारीक कापलेले पिस्ते आणि थोडे केशर घालून सजवावे. असे घरगुती बंगाली रसगुल्ले खायला अतिशय स्वादिष्ट लागतात. विशेष म्हणजे यात कोणतेही कृत्रिम पदार्थ नसल्यामुळे हे अधिक ताजे आणि चवदार वाटतात. घरात पाहुणे आले असतील किंवा काहीतरी खास गोड खायची इच्छा झाली असेल, तर ही सोपी रेसिपी नक्की ट्राय करू शकता. कमी साहित्य, सोपी पद्धत आणि अप्रतिम चव यामुळे हे रसगुल्ले सगळ्यांच्या पसंतीस उतरतील.
