Ben Duckett 141 Runs Century Record India vs England 3rd ODI Lords : क्रिकेटची पंढरी मानल्या जाणाऱ्या ऐतिहासिक लॉर्ड्सच्या मैदानावर इंग्लंडचा सलामीवीर बेन डकेटने नवा इतिहास रचला आहे. भारताविरुद्ध खेळल्या जाणाऱ्या अंतिम आणि निर्णायक वनडे सामन्यात डकेटने आपल्या तुफानी फलंदाजीने ४७ वर्षांपूर्वीचा एक असा जागतिक विक्रम मोडीत काढला आहे, ज्याला आजवर अनेक दिग्गजांना स्पर्शही करता आला नव्हता. त्याच्या या मॅरेथॉन शतकी खेळीच्या जोरावर इंग्लंडने भारतीय संघाविरुद्ध प्रथम फलंदाजी करताना ३८७ धावांचा डोंगर उभा केला आहे.

सर व्हिव्ह रिचर्ड्सचा ४७ वर्षांपूर्वीचा रेकॉर्ड उद्ध्वस्त –

या सामन्यात सलामीवीर म्हणून मैदानात उतरलेला बेन डकेट सुरुवातीपासूनच अत्यंत आक्रमक लयीत दिसला. त्याने भारतीय गोलंदाजांची पिसं काढत १३५ चेंडूत १४१ धावांची ऐतिहासिक खेळी साकारली. या खेळीत त्याने १८ चौकार आणि १ षटकार ठोकला. डकेटच्या वनडे कारकिर्दीतील हे चौथे शतक आहे. या खेळीसह तो लॉर्ड्सच्या मैदानावर एकदिवसीय क्रिकेटच्या इतिहासात सर्वात मोठी वैयक्तिक खेळी करणारा फलंदाज बनला आहे. त्याने वेस्टइंडीजचे महान फलंदाज सर व्हिव्ह रिचर्ड्स यांचा १९७९ मधील नाबाद १३८ धावांचा विक्रम मोडीत काढला.

🏏 𝟑𝐫𝐝 𝐎𝐃𝐈 𝐈𝐧𝐝𝐢𝐚 𝐯𝐬 𝐄𝐧𝐠𝐥𝐚𝐧𝐝 🏏

ENGLAND 🏴󠁧󠁢󠁥󠁮󠁧󠁿 3️⃣8️⃣7️⃣-3️⃣ (50 ov) vs INDIA 🇮🇳 | CRR : 7.74

Ben Duckett : 141 (135)
Jocob Bethell : 91 (93)

Prasidh Krishna : 2-69 (10)

INDIA 🇮🇳 NEED 3️⃣8️⃣8️⃣ RUNS TO WIN #ENGvIND #INDvsENG #ODI
pic.twitter.com/NXrJB8NStR

— Cricket Lover 🏏 (@Crick97924Lover) July 19, 2026

लॉर्ड्सच्या मैदानावर वनडेत सर्वोच्च स्कोरअर करणारे खेळाडू :

• १४१ रन – बेन डकेट (बनाम भारत, २०२६)
• १३८ रन – व्हिव्ह रिचर्ड्स (बनाम इंग्लंड, १९७९)*
• १३७ रन – डेनिस एमिस (बनाम भारत, १९७५)

हेही वाचा – Abhishek Porel Arrest : क्रिकेट विश्वात खळबळ! दिल्ली कॅपिटल्सच्या ‘या’ स्टार खेळाडूला तातडीने अटक करा; कोलकाता हायकोर्टाचा पोलिसांना थेट आदेश

दिग्गजांच्या ‘खास क्लब’मध्ये एन्ट्री अन् भारताविरुद्ध मोठा पराक्रम!

Ben Duckett… That was extraordinary 👏 pic.twitter.com/nwsoSxpZFc

— England Cricket (@englandcricket) July 19, 2026

या शतकासह डकेट लॉर्ड्सवर कसोटी आणि वनडे अशा दोन्ही फॉरमॅटमध्ये शतक ठोकणाऱ्या जगातील निवडक सलामीवीरांच्या क्लबमध्ये सामील झाला आहे. डेनिस एमिस, ग्राहम गूच, ग्रीम वूड, मार्कस ट्रेस्कोथिक आणि अ‍ॅलिस्टर कूक यांच्यानंतर हा पराक्रम करणारा तो इंग्लंडचा केवळ सहावा सलामीवीर ठरला. तसेच, भारताविरुद्ध वनडेत इंग्लंडकडून सर्वाधिक धावा करणाऱ्या फलंदाजांच्या यादीत डकेट आता अँड्र्यू स्ट्रॉस (१५८ धावा, २०११) यांच्यानंतर दुसऱ्या क्रमांकावर पोहोचला आहे. त्याने १९७५ मधील डेनिस एमिस (१३७ धावा) यांचा ५१ वर्षे जुना रेकॉर्डही मागे टाकला.