Sunny Deol :  बॉलिवूड अभिनेता सनी देओल आणि दिग्दर्शक राजकुमार संतोषी यांची सुपरहिट जोडी पुन्हा एकदा मोठ्या पडद्यावर प्रेक्षकांच्या भेटीला येणार आहे. त्यांच्या आगामी ‘बंटवारा 1947’ या चित्रपटाबाबत प्रेक्षकांमध्ये मोठी उत्सुकता निर्माण झाली आहे. या चित्रपटाची घोषणा झाल्यापासूनच चाहत्यांमध्ये चर्चेला उधाण आलं होतं. आता या चित्रपटाच्या प्रदर्शनाला अवघे काही दिवस शिल्लक आहेत.

सध्या या चित्रपटाची संपूर्ण टीम प्रमोशनमध्ये व्यस्त आहे. चित्रपटाच्या प्रदर्शनापूर्वी सनी देओल मुलगा करण देओलसोबत बिहारमधील पाटणा येथे पोहोचला, जिथे त्यांनी तख्त श्री हरिमंदिर जी पाटणा साहिब येथे नतमस्तक होऊन गुरुंचे आशीर्वाद घेतले. या खास प्रसंगाचे फोटो सनी आणि करण दोघांनीही सोशल मीडियावर शेअर केले आहेत.

 

View this post on Instagram

 

इन्स्टाग्रामवर शेअर केलेल्या या फोटोंमध्ये सनी देओल आणि करण देओल अत्यंत श्रद्धेने गुरुद्वारात प्रार्थना करताना दिसत आहेत. हे फोटो पोस्ट करत सनी देओलने लिहिले, “श्री गुरु गोबिंद सिंग जी यांची पावन जन्मभूमी तख्त श्री हरिमंदिर जी पाटणा साहिबचे दर्शन घेऊन मला खरोखरच धन्य वाटत आहे.” बाप-लेकाचे हे फोटो सोशल मीडियावर व्हायरल होत असून चाहतेही त्यांच्या श्रद्धेचे कौतुक करत आहेत.

सनी देओल आणि करण देओल सध्या त्यांच्या ‘बंटवारा १९४७’ या चित्रपटाच्या प्रमोशनच्या निमित्ताने बिहारमध्ये आले आहेत. या चित्रपटात सनी देओल व्यतिरिक्त शबाना आझमी, प्रीती झिंटा, अली फजल आणि अभिमन्यू सिंह हे देखील महत्त्वाच्या भूमिकेत दिसणार आहेत. ‘बंटवारा 1947’ हा चित्रपट भारताच्या फाळणीच्या पार्श्वभूमीवर आधारित असल्याचं सांगितलं जात आहे. त्या काळातील संघर्ष, मानवी नातेसंबंध, वेदना, त्याग आणि मानवतेची ताकद मोठ्या पडद्यावर दाखवण्याचा प्रयत्न या चित्रपटातून केला जाणार आहे.

 

View this post on Instagram

 

‘बंटवारा १९४७’ ची रिलीज डेट
या चित्रपटाद्वारे प्रीती झिंटा सुमारे आठ वर्षांनंतर मोठ्या पडद्यावर पुनरागमन करत आहे. यामुळेच चित्रपटाबाबत चाहत्यांमध्ये आधीच मोठी उत्सुकता निर्माण झाली आहे. राजकुमार संतोषी यांच्या दिग्दर्शनाखाली बनलेला हा चित्रपट १४ ऑगस्ट २०२६ रोजी प्रदर्शित होणार आहे.

हेही वाचा: 

Pune-Solapur Highway: पुणे-सोलापूर महामार्ग मृत्यूचा सापळा, प्रवाशांसह नागरिकांचा प्रशासनाविरोधात तीव्र संताप