Beed Accident News : बीड जिल्ह्यात एका टेम्पोने मोटारसायकलला दिलेल्या धडकेत ३३ वर्षीय व्यक्ती आणि त्यांच्या दोन पुतण्यांचा मृत्यू झाला. ही घटना मंगळवारी रात्री जिल्ह्यातील शिरूर कासार तालुक्यातील हिवरसिंगा गावाजवळ घडली. (Beed Accident News)

मृत व्यक्तींची ओळख राम शेळके (रा. शिरूर कासार) आणि त्यांचे पुतणे गणेश रोहिदास बाजगुडे (२१) व मंगेश (१९) (दोघेही रा. बीड) अशी पटली आहे. शेळके यांचा एक पुतण्या आपला भाऊ आणि मामा (शेळके) यांना बीडहून आणण्यासाठी मोटारसायकलवरून शिरूर कासारला आला होता. (Beed Accident News)

मंगळवारी रात्री उशिरा हे तिघेही मोटारसायकलवरून शिरूर कासारहून बीडकडे जात असताना हिवरसिंगाजवळ समोरून भरधाव वेगाने येणाऱ्या टेम्पोने त्यांच्या मोटारसायकलला समोरासमोर धडक दिली. (Beed Accident News)

यात तिघांचाही जागीच मृत्यू झाला. मृतदेह शवविच्छेदनासाठी बीड येथील जिल्हा रुग्णालयात नेण्यात आले. या दुर्दैवी घटनेमुळे दोन कुटुंबे उद्ध्वस्त झाली असून परिसरात शोककळा पसरली आहे. पोलिसांनी याप्रकरणी गुन्हा दाखल केला असून पुढील तपास सुरू आहे. (Beed Accident News)

Jamkhed News : बाप आणि मुलीच्या नात्याला काळिमा फासणारी घटना; अल्पवयीन मुलीवर नराधम बापासह दोघांचा अत्याचार, मुलगी तीन महिन्यांची गर्भवती