BCCI New Retirement Policy For Indian Cricketers : गेल्या काही वर्षांत भारतीय क्रिकेटमधील अनेक खेळाडूंनी वयाची तिशी ओलांडताच आंतरराष्ट्रीय आणि देशांतर्गत (डोमेस्टिक) क्रिकेटला अचानक रामराम ठोकल्याचे पाहायला मिळाले आहे. या घाईघाईने घेतलेल्या निवृत्तीमागील सर्वात मोठे कारण म्हणजे परदेशातील आकर्षक टी-२० लीग्समध्ये खेळण्याची मिळणारी संधी हे आहे. आता हा वाढता ट्रेंड रोखण्यासाठी बीसीसीआय एक अत्यंत कडक पाऊल उचलण्याच्या तयारीत आहे. खेळाडूंनी परदेशी लीग्सच्या फायद्यासाठी अकाली निवृत्ती घेऊ नये, यासाठी बीसीसीआय लवकरच एक विशेष ‘रिटायरमेंट पॉलिसी’ (Retirement Policy) लागू करणार आहे.

विजय शंकर आणि केएस भरतच्या निवृत्तीने बीसीसीआय सतर्क!

बीसीसीआयच्या सध्याच्या नियमांनुसार, जोपर्यंत एखादा खेळाडू आंतरराष्ट्रीय क्रिकेट, देशांतर्गत क्रिकेट आणि आयपीएल या तिन्ही फॉरमॅटमधून पूर्णपणे संन्यास घेत नाही, तोपर्यंत त्याला परदेशी लीगमध्ये खेळण्याची परवानगी (NOC) मिळत नाही. यामुळेच अनेक खेळाडू थेट निवृत्तीचा मार्ग निवडत आहेत. नुकतेच अष्टपैलू विजय शंकर (Vijay Shankar) याने भारतीय क्रिकेटमधून निवृत्ती जाहीर करून ‘लंका प्रीमियर लीग’च्या (LPL) आगामी हंगामात ‘कँडी रॉयल्स’ संघाकडून खेळण्याचा निर्णय घेतला.

तसेच, अवघ्या ३२ व्या वर्षी निवृत्ती जाहीर करणाऱ्या यष्टीरक्षक केएस भरतचाही (KS Bharat) याच मार्गावर जाण्याचा विचार असल्याचे समजते. यापूर्वी युवराज सिंग, इरफान पठान आणि दिनेश कार्तिक यांनीही परदेशी लीगसाठी हाच मार्ग निवडला होता. ‘क्रिकबझ’च्या रिपोर्टनुसार, आगामी ॲपेक्स कौन्सिलच्या (Apex Council) बैठकीत या नव्या कडक पॉलिसीवर अंतिम शिक्कामोर्तब होण्याची शक्यता आहे.

🚨 The BCCI is considering a new retirement policy for Indian cricketers amid growing concerns over players leaving Indian cricket to feature in overseas leagues.

A key proposal discussed at the Apex Council Meeting is a five-year cooling-off period for players who wish to… pic.twitter.com/knNH8VT3NR

— CricketGully (@thecricketgully) June 4, 2026

फिजी आणि मालदीवमध्ये क्रिकेट वाढवण्यासाठी बीसीसीआयचा पुढाकार!

🚨 BCCI PLANNING FORMULATE RETIREMENT POLICY 🚨

– BCCI is preparing to formulate retirement policy for Indian cricketers. This issue has become crucial because some Indian players have retired from International or domestic to play in foreign leagues. (Abhishek Tripathi). pic.twitter.com/cSw2mlDvoX

— Tanuj (@ImTanujSingh) June 4, 2026

याच बैठकीत बीसीसीआयने जागतिक स्तरावर क्रिकेटचा विस्तार करण्यासाठी आणखी एक मोठा निर्णय घेतला आहे. मालदीव क्रिकेट बोर्ड आणि क्रिकेट फिजी यांच्या विशेष विनंतीवरून बीसीसीआय आता फिजी (Fiji) आणि मालदीव (Maldives) या दोन्ही देशांना क्रिकेट वाढवण्यासाठी सर्वतोपरी मदत करणार आहे. बीसीसीआय या देशांमध्ये आपले अनुभवी कोच (प्रशिक्षक) पाठवणार असून पायाभूत सुविधांसाठीही सहकार्य करणार आहे.

हेही वाचा – Shreyas Iyer Captain : सूर्याचा गेम ओव्हर! टीम इंडियाचा नवा टी-२० कर्णधार ठरला; ‘या’ दिवशी BCCI करणार अधिकृत घोषणा

यापूर्वी भारताने अफगाणिस्तान आणि नेपाळला अशाच प्रकारे मदत करून जागतिक क्रिकेटमध्ये उभे केले आहे. २०१९ मध्येही बीसीसीआयने भारताचे माजी क्षेत्ररक्षण प्रशिक्षक अभय शर्मा आणि माजी खेळाडू सबा करीम यांना मालदीवच्या दौऱ्यावर मार्गदर्शनासाठी पाठवले होते.