Sanjay Raut – ठाकरेसेना खासदार संजय राऊत यांनी आपल्या शैलीत आतापर्यंत भाजप नेत्यांवर अनेकदा जोरदार टीका केली आहे. मात्र, नागपुरात पदाधिकाऱ्यांसोबत झालेल्या बैठकीत राऊतांनी मंत्री चंद्रशेखर बावनकुळे यांचे कौतुक केले आहे. चंद्रशेखर बावनकुळे हे संवाद साधण्यासाठी चांगला माणूस आहे. सभागृहातही पॉझिटिव्ह असतो, असे कौतुकाचे उद्गार राऊत यांचे आहेत.

नागपुरात ठाकरेसेनेचे 18 जुलै रोजी रामरक्षा पठण होणार आहे. अयोध्येतील राम मंदिरातील देणगी चोरीविरोधात होणाऱ्या या आंदोलनात पक्षप्रमुख उद्धव ठाकरे, नेते आदित्य ठाकरे, खासदार संजय राऊत यांच्यासह विदर्भातील मोठे नेते उपस्थित राहणार आहेत. त्या पार्श्वभूमीवर राऊत आणि आमदार अंबादास दानवे यांनी नागपुरात पदाधिकाऱ्यांची बैठक घेतली.

त्यामध्ये या दोन्ही नेत्यांनी बावनकुळेंचं कौतुक केले. काही दिवसांपूर्वी संजय राऊत यांनी भाजपमध्ये बदल होतील असे भाकीत केले होते. मुख्यमंत्री देवेंद्र फडणवीस हे दिल्लीला जातील आणि त्यांचे उत्तराधिकारी म्हणून चंद्रशेखर बावनकुळे यांना निवडतील, असे राऊत म्हणाले होते.

त्याच वक्तव्याचा संदर्भ घेत शिवसेना पदाधिकाऱ्यांनी राऊत यांच्याशी चर्चा केली. त्यावेळी राऊत यांनी चंद्रशेखर बावनकुळे कौतूक केले. यावेळी तिथे उपस्थित असलेले अंबादास दानवे यांनी देखील बावनकुळेंचे कौतुक केले.