Baramati Crime – बारामती तालुक्यातील सूर्यनगरी परिसरात चोरट्याने घरफोडी करून दागिने व रोख रक्कम लंपास केल्याच्या दोन घटना (दि.७)रोजी सायंकाळी आणि (दि.११) जानेवारी रोजी दुपारी घडल्या होत्या. याप्रकरणी बारामती तालुका पोलीस ठाण्यात गुन्हे दाखल केले होते. पोलीस निरीक्षक चंद्रशेखर यादव यांच्या मार्गदर्शनाखाली सीसीटीव्ही फुटेजच्या आधारे दोन आरोपींना अटक करण्यात आली आहे. फिर्यादी श्रीकांत अशोकराव बिरादार हे महावितरण शाखा सणसर येथे तंत्रज्ञ म्हणून कार्यरत आहेत. (दि.७) रोजी सकाळी नेहमीप्रमाणे कामावर जाऊन सायंकाळी घरी परतल्यानंतर रात्री साडेनऊच्या सुमारास त्यांच्या पत्नी प्रज्ञा यांनी कपाटातील दागिने ठेवलेला कप्पा उघडा असल्याचे पाहिले. कपाटातील वस्तू अस्ताव्यस्त अवस्थेत असून सोन्याचे व चांदीचे दागिने तसेच अंदाजे १० हजार रुपये रोख रक्कम गायब असल्याचे निदर्शनास आले. पत्नी सायंकाळी पाच ते सहा या वेळेत मुलाला खेळण्यासाठी खाली रस्त्यावर घेऊन गेल्या असताना घराचा दरवाजा पुढे लावलेला होता. याच वेळेत चोरट्याने घरात प्रवेश करून चोरी केली आली आहे. सुरेंद्र वामनराव चव्हाण यांच्याही घरी चोरी झाली होती. यात ३५ हजार रुपये रोख रक्कम चोरी झाले होते. तपासादरम्यान सीसीटीव्ही फुटेज तपासून पोलिसांनी तांदुळवाडी येथून ऋषिकेश विजय कोकाटे (वय २१, रा.अंबिका नगर,इंदापूर) याला ताब्यात घेतले. न्यायालयाने त्याला तीन दिवसांची पोलीस कोठडी सुनावली. चौकशीत आरोपीने चोरीची कबुली देत चोरीतील सोन्याचे दागिने सोनार श्रेयस विठ्ठल कुलथे (वय २५ रा.व्यंकटेश नगर, इंदापूर) याच्याकडे दिल्याचे सांगितले. त्यानुसार पोलिसांनी सोनार कोलते यालाही अटक केली असून पुढील तपास सुरू आहे. ही कारवाई पोलीस अधीक्षक संदीपसिंह गिल, अपर पोलीस अधीक्षक गणेश बिरादार, उपविभागीय पोलीस अधिकारी सुदर्शन राठोड, स्थानिक गुन्हे शाखेचे पोलीस निरीक्षक अविनाश शिळीमकर यांच्या मार्गदर्शनाखाली पोलीस निरीक्षक चंद्रशेखर यादव बारामती तालुका पोलीस स्टेशनचे पोलीस अंमलदार केदारनाथ बिडवे, सुरेंद्र वाघ, भारत खारतोडे, मनोज पवार, जितेंद्र शिंदे, राहुल मखरे, सुरेश लांडगे स्थानिक गुन्हे शाखेचे स्वप्निल अहिवाळे, अभिजीत एकशिंगे यांनी केली आहे.