bollywood – बॉलिवूडचा मिस्टर परफेक्शनिस्ट आमिर खान ‘सीतारे जमीन पर’ या चित्रपटाद्वारे बॉलिवूडमध्ये पुनरागमन करण्यासाठी सज्ज झाला आहे. काही दिवसांपूर्वी त्याने खुलासा केला होता की, तो त्याच्या आगामी चित्रपटाच्या निर्मितीसोबतच अभिनयाचीही तयारी करत आहे. या चित्रपटाशिवाय आमिरकडे अनेक चित्रपट आहेत. निर्माता म्हणून आमिरने नवीन प्रोजेक्ट लॉक केला आहे. वृत्तानुसार, तो त्याची ‘दंगल’ को-स्टार फातिमा सना शेखसोबत पुन्हा एकत्र  येत आहे.

आमिर खान आणि फातिमा सना शेख यांनी 2016 साली ‘दंगल’ चित्रपटात स्क्रीन शेअर केली होती. जो त्या वर्षातील सर्वात हिट चित्रपटांपैकी एक होता. रिपोर्टनुसार, आमिर खानने त्याच्या पुढील प्रोडक्शन प्रोजेक्टसाठी फातिमा सना शेखला साइन केले आहे. सध्या या चित्रपटाचे शीर्षक निश्चित झालेले नाही. या चित्रपटात फातिमासोबत अनेक कलाकार दिसणार आहेत. या चित्रपटात फातिमा मुलगी तर अमीर च्या वडिलांची भूमिका साकारणार आहे.

यासोबतच सिक्रेट सुपरस्टार दिग्दर्शक अद्वैत चंदन सुद्धा या चित्रपटाचे दिग्दर्शन करणार आहे. आमिर खानच्या वर्कफ्रंटबद्दल बोलायचे झाले तर, तो शेवटचा करीना कपूर खानसोबत ‘लाल सिंह चड्ढा’ चित्रपटात दिसला होता. ‘लाल सिंग चड्ढा’ला बॉक्स ऑफिसवर निराशाजनक प्रतिसाद मिळाला. या चित्रपटानंतर तो आता ‘सीतारे जमीन पर’मधून पुनरागमन करणार आहे.

‘सीतारे जमीन पर’ हा स्पॅनिश हिट चित्रपट कॅम्पिओन्सचा हिंदी रिमेक आहे. या चित्रपटात आमिरसोबत अभिनेत्री जेनेलिया देशमुख दिसणार आहे. दोन्ही स्टार्स पहिल्यांदाच एकत्र स्क्रीन शेअर करताना दिसणार आहेत. आमिरच्या ‘तारे जमीन पर’ या सुपरहिट चित्रपटाचा हा रिमेक असणार आहे. प्रेक्षक या चित्रपटाची आतुरतेने वाट पाहत आहे.