Bang Vibhushan Award : पश्‍चिम बंगालमधील भाजप सरकारने स्वपक्षाचे राज्यसभा खासदार नागेंद्रनाथ रॉय उर्फ अनंत महाराज यांचा बंग विभूषण पुरस्कार (Bang Vibhushan Award) मागे घेतला. नेताजी सुभाषचंद्र बोस यांच्याविषयी मानहानीकारक टिप्पणी केल्याबद्दल ते पाऊल उचलण्यात आले.

अनंत महाराज यांनी नुकत्याच नेताजींच्या क्षमतेवर प्रश्‍नचिन्ह उपस्थित करणाऱ्या टिप्पणी केल्या. त्या टिप्पणींचे समर्थन आणि विरोध करणाऱ्या पोस्ट सोशल मीडियावरून प्रसिद्ध झाल्याने मोठे वादंग उद्भवले. त्यानंतर राज्य सरकारने सोशल मीडियावरील अनेक पोस्ट (Bang Vibhushan Award) हटवल्या. तसेच, पोलिसांनी सहा गुन्हे दाखल करत एका व्यक्तीला अटक केली.

मुख्यमंत्री सुवेंदू अधिकारी यांनी नेतांजीविषयी सोशल मीडियावर आक्षेपार्ह पोस्ट टाकणाऱ्यांवर कारवाईचा आदेश पोलिसांना दिला. खासदार, आमदारांसह सर्वच कायद्यापुढे समान आहेत, अशी कठोर भूकिमाही त्यांनी मांडली. त्यापाठोपाठ अनंत महाराज यांना प्रदान करण्यात आलेला बंगाल राज्याचा सर्वोच्च नागरी पुरस्कार (Bang Vibhushan Award) मागे घेण्यात आल्याची घडामोड घडली.

माजी मुख्यमंत्री ममता बॅनर्जी यांच्या सरकारने त्या पुरस्काराने अनंत महाराज यांना सन्मानित केले होते. त्यांच्या आक्षेपार्ह टिप्पणींमुळे भाजप आणि राज्य सरकारची कोंडी झाली होती.