Yetech Aata Me Nandayla:  झी मराठीवर एक नवी मालिका प्रेक्षकांच्या भेटीस येणार आहे. ‘येतेच आता मी नांदायला!’ असं या मालिकेचं नाव आहे. यात आदेश बांदेकर यांची सून पूजा बिरारी मुख्य अभिनेत्री म्हणून झळकणार आहे. तिच्यासोबत अभिनेता हर्षद अतकरी प्रमुख भूमिकेत दिसणार आहे.

विशेष म्हणजे ‘येतेच आता मी नांदायला!’ या मालिकेत ज्येष्ठ अभिनेत्री उषा नाडकर्णी ठकुबाईची भूमिका साकारणार आहेत. ठकुबाई ही अभ्याची आजी असून, आपल्या नातवासाठी आपल्याला हवी तशीच सून शोधण्याचा तिचा निर्धार आहे. त्यामुळे शिवानी आणि अभ्याच्या नात्यात ठकुबाईची भूमिका महत्त्वाची ठरणार आहे.

गेल्या काही दिवसांपासून त्यांच्या छोट्या पडद्यावरील कमबॅकची चर्चा रंगली होती. अखेर झी मराठीच्या पुरस्कार सोहळ्यात नव्या मालिकेची घोषणा करत त्यांच्या पुनरागमनावर शिक्कामोर्तब करण्यात आलं.

या मालिकेत पूजा बिरारी शिवानीची भूमिका साकारणार आहे, तर हर्षद अतकरी अभ्याच्या भूमिकेत दिसणार आहे. शिवानी ही अभ्यासात हुशार, शिस्तप्रिय आणि आपल्या करिअरबाबत महत्त्वाकांक्षी असलेली मुलगी आहे. आयुष्यात काहीतरी मोठं करण्याचं तिचं स्वप्न आहे.

दुसरीकडे अभ्या तब्बल ५० वेळा नापास झाला आहे. मात्र, तरीही गावात त्याची मिरवणूक निघते. त्यामुळे या दोघांचे स्वभाव पूर्ण वेगळे आहेत. आता या दोन वेगवेगळ्या स्वभावाच्या व्यक्तींची जोडी कशी जमणार, हे मालिकेत पाहायला मिळणार आहे. दरम्यान, ‘येतेच आता मी नांदायला!’ ही मालिका येत्या ३० नोव्हेंबरपासून प्रेक्षकांच्या भेटीला येणार आहे. सोमवार ते शुक्रवार रात्री १० वाजता झी मराठीवर ही मालिका प्रसारित केली जाणार आहे.

हेही वाचा: 

Political News : शिंदेंनी डाव साधला…अकोल्यात मोठी घडामोड! पाच नगरसेवकांनी हाती घेतलं धनुष्यबाण