Balen Shah : नेपाळचे पंतप्रधान बालेंद्र शाह (Balen Shah) यांच्या नेतृत्वाखालील सरकारवर सामान्य नागरिकांच्या कल्याणापेक्षा सोशल मीडियावरील लोकप्रियतेला प्राधान्य देत असल्याचा आरोप नेपाळ कॉंग्रेस या प्रमुख विरोधी पक्षाने रविवारी केला.

ललितपूर जिल्ह्यातल्या पक्षाच्या कार्यालयामध्ये नेपाळी कॉंग्रेसने (Balen Shah) एक वार्तालाप आयोजित केला होता. त्यामध्ये सरकारच्या १०० दिवसांच्या कार्याचे मूल्यमापन केले गेले.

त्यावेळी बोलताना नेपाळी कॉंग्रेसचे अध्यक्ष गगन कुमार थापा यांनी बालेंद्र शाह यांच्या राष्ट्रीय स्वतंत्र पार्टीच्या सरकारवर झोपडपट्ट्यांमध्ये राहणाऱ्या भूमीहीनांच्या मनामध्ये भीतीचे वातावरण निर्माण करण्याचा आरोप केला.

सरकारने काठमांडू खोऱ्यामध्ये या वर्षाच्या सुरुवातीला केलेल्या कारवाईमध्ये सुमारे २,६०० झोपड्यांमध्ये राहणारे १५ हजार लोक बेघर झाले आहेत. काठमांडूमधील नदीकाठच्या वस्त्यांमधून विस्थापित झालेल्या प्रत्येक भूमिहीन आणि झोपडपट्टीत राहणाऱ्या कुटुंबाला (Balen Shah) पुनर्वसनासाठी १५ हजार रुपयांची मदत देण्याचा निर्णय घेतला आहे. पण सरकारचा हा निर्णय लोकांच्या कल्याणापेक्षा केवळ सोशल मीडियावर लाईक मिळवण्यासाठी घेतला असल्याची टीका थापा यांनी केली.