Baba Siddique Shot Dead ।  अजित पवार यांच्या पक्षातील नेते बाबा सिद्दिकी यांच्या हत्येनंतर राज्याच्या तसेच देशाच्या राजकारणात एकच खळबळ उडालीय. एकूण तीन आरोपींनी भर रस्त्यावर त्यांना गोळ्या घातल्या आहेत. यातील दोन आरोपींना पोलिसांनी बेड्या ठोकल्या असून तिसरा आरोपी फरार आहे. दरम्यान, याच तिसऱ्या फरार आरोपीची ओळख पटली आहे. या हत्येचे आता पुणे कनेक्शन समोर आले आहे. हा तिसरा आरोपी गेल्या पाच ते सहा वर्षांपासून पुण्यात वास्तव्यास होता.

बाबा सिद्दीकीच्या हत्येतील आरोपी शिवा याच्या आईची पहिली प्रतिक्रिया समोर आली आहे. शिवा हा मूळचा उत्तरप्रदेशच्या बहराइचचा रहिवासी आहे. आरोपीच्या आईला देखील याविषयी काही माहिती नसल्याचे त्यांनी सांगितले.

होळीपासून घरी आला नाही Baba Siddique Shot Dead । 

एका वृत्तसंस्थेशी बोलताना शिवाच्या आईने सांगितले की, “आम्हाला आधी माहीत नव्हते. माझा मुलगा पुण्यातील स्क्रॅप डिलरकडे काम करायचा. हेच आम्हाला माहीत होतं. मुंबईत काय करतो आणि काय खातो आणि कमावतो हेच आम्हाला कळत नव्हते. तो होळीच्या दिवशी घरून निघाला आणि तेव्हापासून तो घरी आलाच नाही.” अशी माहिती त्यांनी दिली.

#WATCH | Bahraich, UP | Baba Siddique murder case | Absconding accused Shiva’s mother says, “He went to Pune to work in a scrapyard. I knew only this. I was not aware of what he was doing in Mumbai…He came home in Holi. After that, he did not come. He was not talking to me even… pic.twitter.com/RpdoPqDwNf

— ANI (@ANI) October 13, 2024

घरच्यांना काहीही सांगितले नाही Baba Siddique Shot Dead । 
त्यांनी पुढे सांगितले, “तो आमच्याशी बोलला नाही. मग ते कसे झाले ते आपण काय सांगू शकतो.? तो इथे राहत असताना कधी तंबूत तर कधी विटा उचलण्याचे काम करत असे. बाहेर गेलो तर तीन वर्षात कमाई करू, असे तो नेहमी म्हणायचा. आजपर्यंत सगळं सांगितलं नाही. कमावल्यानंतर पैसे दिले नाहीत. माझी मुलगी आजारी असताना त्याने फक्त तीन हजार रुपये पाठवले.” असेही त्यांनी म्हटले.

मुंबई पोलिसांनी घटनेच्या रात्रीच तीन आरोपींपैकी दोघांना पकडले होते, तर तिसरा आरोपी शिवा अद्याप फरार आहे. शिवा 5-6 वर्षांपासून पुण्यात काम करत होता. या घटनेत लॉरेन्स बिश्नोई टोळीचा संशय पोलिसांना असला तरी वैयक्तिक वैमनस्यातून खून झाल्याची शक्यता नाकारता येत नाही. बाबा सिद्दीकी हे महाराष्ट्रातील मोठे नेते आणि व्यापारी होते. त्यांचा मुलगा झीशान सिद्दीकीही आमदार आहे. बाबा सिद्दीकी यांनी याच वर्षी राष्ट्रवादीत प्रवेश केला होता.

हेही वाचा
बाबा सिद्दिकी हत्या प्रकरण : तिसऱ्या आरोपीची ओळख पटली ; हत्येचे पुणे कनेक्शन ,’शिवा’ नेमकं काय करतो?