Baba Siddique Murder Case । राष्ट्रवादी काँग्रेसचे नेते बाबा सिद्दीकी यांच्या हत्येप्रकरणी मुंबई गुन्हे शाखा लवकरच आरोपपत्र दाखल करणार असल्याचे सांगण्यात येत आहे. या प्रकरणाचा तपास करणारे मुंबई गुन्हे शाखेचे अधिकारी काही दिवसांत आरोपपत्र दाखल करणार असल्याची माहिती समोर येत आहे.

बाबा सिद्दीकी हत्याकांड प्रकरणी आता पर्यंत एकूण २६ जणांना अटक करण्यात आल्याचे पोलिसांकडून सांगण्यात आले आहे. दरम्यान, मुंबई गुन्हे शाखा लवकरच आरोपींविरुद्ध आरोपपत्र दाखल करणार असल्याचे म्हटले जात आहे. ज्यामध्ये शुभम लोणकर, जीशान अख्तर आणि लॉरेन्स बिश्नोईचा भाऊ अनमोल बिश्नोई अशी तीन आरोपींना फरार घोषित करण्यात येणार आहे. मुंबई क्राईम ब्रँचला हत्येमागील कारणाबाबत अद्याप ठोस काहीही सापडले नसल्याचा दावाही सूत्रांनी केला आहे. मुंबई क्राईम ब्रँचने एसआरए वादाच्या कोनातूनही तपास केला परंतु पोलिसांना एसआरए प्रकल्पामुळे हत्येचे कारण असावे असे काही सापडले नाही.

बाबा सिद्दीकी सलमान खानच्या जवळचे Baba Siddique Murder Case । 

एका अधिकाऱ्याने सांगितले की, बाबा सिद्दीकी हे सलमान खानच्या जवळचे होते हे देखील त्यांच्या हत्येचे कारण असण्याची शक्यता पोलिसांनी व्यक्त केली.  मुंबई पोलिसांच्या एका वरिष्ठ अधिकाऱ्याने सांगितले की, ‘अटक करण्यात आलेले सर्व आरोपी हे फाशीच्या पातळीवरील आरोपी आहेत ज्यांना एखाद्या व्यक्तीला का ठार करायचे आहे हे माहित नसते. ते काम फक्त त्यांचा तो टास्क असल्याच्या हेतूने पूर्ण करण्यासाठी प्रयत्न करत असतात.

हत्येमागे अन्य कोणतेही कारण नसल्याचा अंदाज  Baba Siddique Murder Case । 

या प्रकरणातील फरार आरोपी शुभम लोणकर आणि झीशान अख्तर यांना अटक होईपर्यंत हत्येमागचे दुसरे कारण दिसत नसल्याचे पोलिसांचे म्हणणे आहे. मुंबईतील वांद्रे येथे राष्ट्रवादीचे नेते बाबा सिद्दीकी यांची गोळ्या झाडून हत्या करण्यात आली होती. मुलगा आणि वांद्रेचे आमदार जीशान सिद्दीकी यांना भेटण्यासाठी ते त्यांच्या कार्यालयात जात असताना त्यांची हत्या करण्यात आली. गोळी लागल्यानंतर त्यांना घाटकोपर रुग्णालयात दाखल करण्यात आले. जिथे डॉक्टरांच्या पथकाने त्यांना मृत घोषित केले.

हेही वाचा
“ते आरोपींना सांभाळण्याचं काम करतायत…” ; संतोष देशमुख प्रकरणी मनोज जरांगे यांची मुख्यमंत्र्यांवर टीका