Ramya Krishnan: ‘बाहुबली’ फेम अभिनेत्रीने घटस्फोटांच्या चर्चांवर सोडलं मौन
Ramya Krishnan: दोघे वेगळ्या शहरात राहण्यामागचे सांगितले कारणं

Ramya Krishnan: ‘बाहुबली’ फेम लोकप्रिय अभिनेत्री राम्या कृष्णन सध्या तिच्या वैयक्तिक आयुष्यामुळे चर्चेत आली आहे. राम्या कृष्णन आणि तेलुगू चित्रपट दिग्दर्शक कृष्णा वामसी यांच्या घटस्फोटाच्या चर्चांना उधाण आले आहे. दोघे वेगळे राहत असल्याचे म्हंटले जात आहे. मात्र या सर्व चर्चांवर राम्या कृष्णनने प्रतिक्रिया देत ह्या अफवा असल्याचे स्पष्ट केले आहे.
एका कार्यक्रमात राम्या कृष्णनने सांगितलं की, “आम्ही अजूनही विवाहित आहोत, पण आपापल्या सोयीनुसार आनंदाने दोन वेगवेगळ्या शहरांत राहत आहोत. हे फक्त आणि फक्त आमच्या कामामुळे आहे.”
पुढे राम्या म्हणाली की, पूर्वी ती कुटुंबासोबत हैदराबादमध्ये राहत होती, पण एका टीव्ही शोच्या शूटिंगसाठी तिला दर १५ दिवसांनी चेन्नईला प्रवास करावा लागत असे. त्या काळात तेलंगणा आंदोलनामुळं शाळा बंद असायच्या आणि त्यांचा मुलगा ऋत्विक याला या प्रवासाचा त्रास होऊ लागला.
“मी जेव्हा जेव्हा शहर सोडायचे, तेव्हा माझा मुलगा आजारी पडायचा. अखेर पतीशी चर्चा करून आम्ही त्याला चेन्नईतील शाळेत घालण्याचा निर्णय घेतला. मुलाच्या सोयीसाठी घेतलेला हा निर्णय पुढं आमच्या दोघांच्याही लाइफस्टाइलचाच एक भाग झाला,” असंही तिनं म्हटलं.
वेगळे राहिल्यामुळे त्यांच्या नात्यात कसा बदल झाला, याबद्दलही ती व्यक्त झाली. “वेगवेगळ्या शहरांत राहिल्यामुळं नात्यातील वैयक्तिक स्पेस जपला गेला असून नातं अधिक मजबूत झालं आहे. सतत भांडत बसण्यापेक्षा आता आम्ही अधिक चांगले मित्र झालो आहोत, अशी मिश्किल टिप्पणीही तिनं यावेळी केली. Ramya Krishnan
राम्या कृष्णनने सांगितलं की, ती टीव्ही मालिका करत होती तेव्हा तिचं कुटुंब चेन्नईत होतं आणि ती हैदराबादला राहत होती. त्यावेळी ती दर १५ दिवसांनी चेन्नईला शूटिंगसाठी जायची. पण सततच्या प्रवासामुळे त्यांचा मुलगा ऋत्विक आजारी पडायचा. राम्या यांनी याबद्दल पतीशी चर्चा केली आणि मुलाला चेन्नईतील एका शाळेत प्रवेश घेऊन दिला. मात्र पुढे आमची तशीच लाइफस्टाइल सुरू राहिली.
राम्याने सांगितलं की, लग्नापूर्वी कृष्णा वामसी यांनी लग्न न करता लिव्ह-इनमध्ये राहण्याचा विचार मांडला होता. त्यांचा सल्ला ऐकायला हवा होता, ती गमतीत म्हणाली. “मी खरंच तेव्हाच हो म्हणायला हवं होतं.” तसेच माझे आणि वामसी यांच नातं परिपूर्ण आहे आणि ते नेहमीच तसंच राहील, असे तिने यावेळी स्पष्ट केले.
राम्या कृष्णन आणि कृष्णा वामसी यांनी २००३ मध्ये लग्न केले असून त्यांना ऋत्विक वंशी हा एक मुलगा आहे. या जोडप्याने यापूर्वी १९९८ मध्ये आलेल्या ‘चंद्रलेखा’ या तेलगू चित्रपटात एकत्र काम केले होते, ज्याचे दिग्दर्शन कृष्णा वंशी यांनी केले होते आणि रम्या त्यात मुख्य भूमिकेत होत्या. Ramya Krishnan
Uddhav Thackeray : ‘अजित पवारांच्या पुतळ्यासमोर बसून..’; उद्धव ठाकरेंचा अमित शाहांवर घणाघात






