Ayushmann and Sharvari Wagh : अभिनेत्री शर्वरी वाघ लवकरच अभिनेता आयुष्मान खुरानासोबत ‘ये प्रेम मोल लिया’ या चित्रपटात पाहायला मिळणार आहे. या चित्रपटाचे दिग्दर्शन सूरज बडजात्या करत आहेत. आयुष्मान आणि शर्वरीच्या या चित्रपटाबाबत जोरदार चर्चा रंगली आहे.

‘हम आपके है कौन’,’हम साथ साथ है’,’मैने प्यार किया’ ते ‘प्रेम रतन धन पायो’ असे अनेक कुटुंबप्रधान सुपरहिट सिनेमे सूरज बडजात्या यांनी दिले आहेत. आता असाच त्यांचा हा नवा सिनेमा असणार आहे. अलिकडेच ‘ये प्रेम मोल लिया’ या चित्रपटाचे गाणे रिलीज झाले असून, त्यात चित्रपटातील काही खास क्षणांची झलक पाहायला मिळत आहे.

एकीकडे आयुष्मान खुराना आणि शर्वरीची केमिस्ट्री प्रेक्षकांची मनं जिंकत आहे, तर दुसरीकडे सूरज बडजात्या यांनी चित्रपटात छठ गीताचाही समावेश केला आहे. श्रेया घोषाल आणि निहाल टौरोच्या आवाजतलं ‘मैने प्रेम मोल लिया’चं टायटल ट्रॅक सध्या व्हायरल होत आहे.

आयुष्यमान आणि शर्वरीची जोडी, त्यांचे सुंदर पेहराव आकर्षक ठरत आहे. गाण्यात आयुष्यमान आणि शर्वरीचं कौटुंबिक बॅकग्राऊंड, त्यांच्या लग्नाची तयारी, नंतर होणारी भांडणं याची झलक दिसत आहे. तर ‘ये प्रेम मोल लिया’ या टायटल ट्रॅकमध्ये शर्वरी केशरी सिंदूर लावून आणि हातात सूप धरून छठ मैयाची पूजा करताना दिसत आहे. तिच्या या बिहारी लूकने सोशल मीडियावर चांगलीच चर्चा रंगली आहे. Ayushmann and Sharvari Wagh

‘ये प्रेम मोह लिया’ सिनेमा २७ नोव्हेंबर रोजी प्रेक्षकांच्या भेटीला येणार आहे. आयुष्यमान, शर्वरी यांच्याशिवाय सिनेमात अनुपम खेर, सीमा पाहवा, स्वानंद किरकिरे, सौम्या टंडन, सुप्रिया पाठक, शाद रंधावा यांचीही भूमिका आहे. Ayushmann and Sharvari Wagh

हेही वाचा: 

Raj Thackeray : ‘राज ठाकरे मुख्यमंत्री व्हावे’; लेक अमित ठाकरेंचे गणपती बाप्पाकडे साकडं; संजय राऊत म्हणाले…