Australia vs Pakistan 3rd Test Day 3 Stumps : पाकिस्तान क्रिकेट संघ ऑस्ट्रेलियाविरुद्धच्या सिडनी कसोटीत बॅकफूटवर आहे. दुसऱ्या डावात तिसऱ्या दिवसाचा खेळ संपेपर्यंत पाकिस्तानने 7 गडी गमावून 68 धावा केल्या होत्या. त्याच्याकडे सध्या 82 धावांची आघाडी आहे. पण त्यांना जिंकणे खूप अवघड आहे. बाबर आझमसह पाकिस्तानचे अनेक मोठे खेळाडू विशेष काही करू शकले नाहीत. तिसर्‍या दिवशी मोहम्मद रिझवान 6 धावा करून नाबाद होता तर आमिर जमाल खाते उघडू शकला नव्हता.

पाकिस्तानने पहिल्या डावात सर्वबाद 313 धावा केल्या होत्या. पण दुसऱ्या डावात संघाने 68 धावांवर 7 विकेट गमावल्या. दुसऱ्या डावात संघासाठी अब्दुल्ला शफीक आणि सैम अयुब सलामीला आले. शफीकला खातेही उघडता आले नाही आणि तो बाद झाला. तर अयुबने 53 चेंडूंचा सामना करत 33 धावा केल्या. त्याच्या खेळीत 3 चौकार आणि एका षटकाराचा समावेश होता. कर्णधार शान मसूद शून्यावर बाद झाला. बाबर आझम 23 धावा करून बाद झाला. शकील अवघ्या 2 धावा करून निघून गेला. साजिद खान आणि आगा सलमानही शून्यावर बाद झाले. रिझवान 6 धावा करून नाबाद राहिला.

Pakistan lose seven late in the day after Aamir Jamal’s 6️⃣-fer helped them gain a 14-run lead 🏏#AUSvPAK pic.twitter.com/3cJ3tELIRw

— Pakistan Cricket (@TheRealPCB) January 5, 2024

जोश हेझलवूडने ऑस्ट्रेलियासाठी घातक गोलंदाजी केली. त्याने पाकिस्तानी संघाला चांगलेच अडचणीत टाकले. हेजलवूडने 5 षटकात 9 धावा देत 4 बळी घेतले. त्याने 2 मेडन षटकेही घेतली. नॅथन लायन आणि ट्रॅव्हिस हेडने प्रत्येकी एक विकेट घेतली. मिचेल स्टार्कलाही एक यश मिळाले.

AUS vs PAK 3rd Test Day 2 Stumps : पावसामुळे दुसऱ्या दिवशीचा खेळ लवकर थांबला; दिवसअखेर ऑस्ट्रेलिया 2 बाद 116…

पाकिस्तानच्या पहिल्या डावात हेजलवूडने 1 बळी घेतला. कर्णधार पॅट कमिन्सने या डावात 5 बळी घेतले होते. त्याने 18 षटकात 61 धावा दिल्या आणि एक मेडन ओव्हर टाकली. स्टार्कने 16 षटकांत 75 धावा देत 2 बळी घेतले.

ऑस्ट्रेलियाने पहिल्या डावात सर्वबाद 299 धावा केल्या होत्या. यादरम्यान मार्नस लॅबुशेनने 147 चेंडूंचा सामना करत 60 धावा केल्या होत्या. मिचेल मार्शने 113 चेंडूत 54 धावांची खेळी केली. पाकिस्तान ऑल आऊट झाल्यानंतर संघ दुसऱ्या डावासाठी मैदानात उतरेल.