US Israel Iran War: इराणचे नवे सर्वोच्च नेते मोजतबा खामेनी यांनी गुरुवारी पश्चिम आशियातील शेजारी देशांवर हल्ले सुरू ठेवण्याचा इशारा दिला. तसेच शत्रू देशांवर दबाव आणण्यासाठी होर्मुझ सामुद्रधुनी बंद करण्याचा पर्याय एक धोरणात्मक हत्यार म्हणून वापरत राहण्याचेही त्यांनी स्पष्ट केले. पहिलाच संदेश आक्रमक – एसोसिएटेड प्रेस (AP) च्या वृत्तानुसार, इराणच्या सरकारी दूरचित्रवाणीवर प्रसारित केलेल्या निवेदनात खामेनी म्हणाले की, इराण आपल्या शत्रूंकडून नुकसानभरपाई वसूल करेल किंवा त्यांची संपत्ती त्याच प्रमाणात नष्ट करेल. हा संदेश सर्वोच्च नेतेपदावर नियुक्तीनंतर त्यांनी दिलेला पहिलाच जाहीर संदेश आहे. उल्लेखनीय म्हणजे, मोजतबा खामेनी हे दिवंगत अयातुल्ला अली खामेनी यांचे पुत्र आहेत. अली खामेनी यांची अमेरिका व इस्रायलच्या संयुक्त हल्ल्यात २८ फेब्रुवारी रोजी हत्या करण्यात आली होती. या संघर्षाला आता जवळपास दोन आठवडे उलटले आहेत. हेही वाचा – डोनाल्ड ट्रम्प यांना मोठा धक्का! CIA च्या अहवालाने पायाखालची वाळू सरकली, इराण अजूनही…… अमेरिकी लष्करी तळ तात्काळ बंद करा खामेनी यांनी पश्चिम आशियातील सर्व अमेरिकी लष्करी तळ तात्काळ बंद करण्याची मागणी केली. हे तळ सुरू राहिल्यास त्यांच्यावर हल्ला केला जाईल, असा इशाराही त्यांनी दिला. इराणी जनतेला एकजुटीचे आवाहन खामेनी यांनी इराणी जनतेला एकजुटीचे आवाहन करताना कुद्स दिवसाच्या निदर्शनांमध्ये सहभागी होण्याचे आवाहन केले. झायोनिझमच्या विरोधात व पॅलेस्टाईनच्या समर्थनार्थ दरवर्षी रमजान महिन्याच्या अखेरच्या शुक्रवारी हा जागतिक निषेध कार्यक्रम आयोजित केला जातो. सध्या जगभरात रमजान महिना सुरू असून हा दिवस लवकरच येणार आहे.
