Mira Bhayandar MNS Morcha : गेल्या काही दिवसांपूर्वी मिरा भाईंदरमधील एका मिठाईच्या दुकानातील मालकाला मराठी बोलण्यावरून मनसैनिकांनी चोप दिला होता. यानंतर मराठी अमराठी वाद उफाळून आला. येथील व्यापाऱ्यांनी मनसैनिकांनी केलेल्या मारहाणाचा मोर्चा काढून निषेध नोंदिविला होता. या मोर्चाला प्रत्युत्तर देण्यासाठी महाराष्ट्र नवनिर्माण सेनेच्या वतीने मोर्चा काढण्यात येणार होता. मात्र, पोलिसांनी मोठी कारवाई करत मनसेचे ठाणे-पालघर जिल्हाअध्यक्ष अविनाश जाधव यांना आज पहाटे त्यांच्या राहत्या घरातून ताब्यात घेतले आहे.

तरीही मोर्चा निघणार असल्याचे मनसेकडून सांगण्यात आले होते. आज मंगळवार ८ जुलै सकाळी दहा वाजता बालाजी हॉटेलपासून या मोर्चाला सुरुवात होणार होती. मात्र, त्यापूर्वीच मनसेच्या अनेक पदाधिकाऱ्यांना ताब्यात घेतले आहे. अनेक कार्यकर्त्यांना नजरकैदेत ठेवण्यात आले आहे. अतिरिक्त पोलीस आयुक्त दत्ता शिंदे यांनी मिरा भाईंदरमध्ये नागरिकांनी मोर्चासाठी एकत्र येऊन अन्यथा त्यांच्यावर कारावाई करण्यात येईल, असा इशारा दिला आहे. या भागात जमाबंदीचा आदेश लागू करण्यात आला आहे.

पोलिसांनी मनसेच्या मोर्चाला परवानगी नाकारल्यानंतरही अनेकांनी मोर्चा स्थळी जमा झाले होते. त्यांना पोलिसांनी ताब्यात घेतले आहे. यानंतर आता पोलीस आणि मनसे कार्यकर्त्यांमध्ये झालेल्या धरपकडवर संपप्त प्रतक्रिया समोर येत आहेत. अमराठी व्यापाऱ्यांनी पुकारलेल्या मोर्चाला परवानगी मिळते, पण मराठी माणासाने पुकारलेल्या मोर्चासाठी परवानगी मिळत नाही, असा सवाल उपस्थित करण्यात आला आहे. कोणाताही अनुचित प्रकार घडू नये या पार्श्वभूमीवार या भागात मोठा पोलीस फौजफाटा तैनात करण्यात आला आहे.

पहाटे राहत्या घरातून घेतले ताब्यात 

मनसेचे ठाणे पालघर जिल्हाध्यक्ष अविनाश जाधव यांना देखील पोलिसांनी नोटीस बजावली होती. मात्र, आज मंगळवारी पहाटे पोलिसांनी मोठी कारवाई करत त्यांना ताब्यात घेतले आहे. या मोर्चाला मोठ्या संख्येने जमण्याचे आवाहनही त्यांनी केले होते. मोठ्या पोलीस फौजफाट्यासह अविनाश जाधव यांना त्यांच्या राहत्या घरातून आज मंगळार ८ जुलै पहाटे साडेतीन वाजता ताब्यात घेण्यात आले आहे.

हेही वाचा : ट्रम्पच्या टॅरिफ घोषणेमुळे भारतीय बाजार सावध ; सेन्सेक्स ९० अंकांनी घसरला, औषध क्षेत्रातील शेअर्स घसरले