Atanu Chakraborty : देशातील दुसऱ्या क्रमांकाची सर्वात मोठी बँक असलेल्या एचडीएफसी बँकेचे अध्यक्ष आणि संचालक अतनु चक्रवर्ती (Atanu Chakraborty) यांनी आज तडकाफडकी राजीनामा दिला. त्यांच्या राजीनाम्यानंतर रिझर्व्ह बँकेच्या मंजुरीने केकी मिस्त्री यांची 19 मार्चपासून तीन महिन्यांच्या कालावधीसाठी अंतरिम अध्यक्ष म्हणून नियुक्ती करण्यात आली. दरम्यान, शेअर बाजारासह एचडीएफसीच्या शेअरवर (Atanu Chakraborty) याचा परिणाम दिसून आले. एचडीएफसीचे शेअर्स 5 टक्क्यांनी घसरले. ते 43 रुपयांनी घसरून 800 रुपयांवर व्यवहार करत होते. एचडीएफसी बँकेच्या शेअरमध्ये यावर्षी अंदाजे 20 टक्के घसरण झाली आहे. आपल्या राजीनामा पत्रात, अतनु चक्रवर्ती (Atanu Chakraborty) यांनी बँकेच्या अंतर्गत संस्कृती आणि कार्यपद्धतीवर प्रश्नचिन्ह उपस्थित केले. ते म्हणाले, गेल्या दोन वर्षांत, मी बँकेतील काही घटना आणि कार्यपद्धती पाहिल्या आहेत, ज्या माझ्या वैयक्तिक मूल्यांशी आणि नैतिक मूल्यांशी विसंगत आहेत. केकी मिस्त्री सध्या बँकेच्या संचालक मंडळावर गैर-कार्यकारी संचालक म्हणून कार्यरत आहेत. Atanu Chakraborty बँकेत विलीन होण्यापूर्वी ते एचडीएफसी लिमिटेडचे उपाध्यक्ष आणि मुख्य कार्यकारी अधिकारी होते. बँकिंग क्षेत्रातील त्यांच्या व्यापक अनुभवामुळे, त्यांची तीन महिन्यांच्या कालावधीसाठी सूत्रे हाती घेण्यात आली आहेत. केकी मिस्त्री यांनी आश्वासन दिले की बँक पूर्णपणे स्थिर आहे आणि बँकेत कोणतीही मोठी चिंता नाही. मिस्त्री यांनी सांगितले की, देशातील सर्वात मोठ्या खाजगी क्षेत्रातील बँकेवरील विश्वास कायम ठेवण्यासाठी संचालक मंडळ कटिबद्ध आहे. या प्रकरणी, रिझर्व्ह बँकेने सांगितले की, बँकेने अर्धवेळ अध्यक्षांच्या (Atanu Chakraborty) पदासंदर्भात केलेल्या तात्पुरत्या व्यवस्थेला मंजुरी दिली आहे. एचडीएफसी बँक ही देशातील एक प्रणालीगतदृष्ट्या महत्त्वाची बँक असून तिची आर्थिक स्थिती मजबूत आहे. संचालक मंडळ व्यावसायिकपणे काम करत आहे आणि व्यवस्थापन संघ अत्यंत सक्षम आहे. सध्या बँकेच्या कामकाजाबाबत किंवा प्रशासनाबाबत कोणतीही गंभीर चिंता नाही. बँकेकडे पुरेसे भांडवल आहे आणि तिची तरलतेची स्थिती समाधानकारक आहे. पुढील वाटचालीबाबत रिझर्व्ह बँक बँकेच्या संचालक मंडळ आणि व्यवस्थापनाच्या संपर्कात राहील.
