Mandakini : ‘वयाच्या 16 व्या वर्षी मला पूर्णपणे कल्पना नव्हती की…’; ‘राम तेरी गंगा मैली’मधील त्या सीनवर मंदाकिनी यांचा मोठा खुलासा
Mandakini : यशाच्या मोठ्या शिखरावर असताना अभिनेत्रीन बॅालिवूडमधून गायब झाली ती पुन्हा कधी दिसली नाही. आता अभिनेत्री एका मुलाखतीमुळे चर्चेत आली आहे.
Mandakini : राम तेरी गंगा मैली या सिनेमातून रातोरात स्टार बनवलेल्या अभिनेत्री मंदाकिनी पुन्हा चर्चेत आल्या आहेत. या सिनेमाची चर्चा त्यावेळी मोठ्या प्रमाणावर झाली होती. मात्र, सिनेमातील काही बोल्ड सीन्समुळे अभिनेत्री वादात सापडली होती. या सिनेमानंतर मंदाकिनीने अनेक सिनेमांत काम केलं पण राम तेरी गंगा मैली या सिनेमाएवढं फेम अभिनेत्रीला मिळालं नाही. यशाच्या मोठ्या शिखरावर असताना अभिनेत्रीन बॅालिवूडमधून गायब झाली ती पुन्हा कधी दिसली नाही. आता अभिनेत्री एका मुलाखतीमुळे चर्चेत आली आहे.
या मुलाखतीत अभिनेत्रीने आपल्या खाजगी आयुष्यातबाबत अनेक गोष्टींचा उलघडा केला आहे. तसेच राम तेरी गंगा मैली सिनेमातील चित्रीकरणावेळीचा अनुभव सांगितला. मंदाकीनी यांनी स्पष्ट केले की हा सिनेमा करताना त्या अवघ्या १६ वर्षांच्या होत्या. या सिनेमातील वॅाटरफॅालच्या सीनवर मोठा वाद निर्माण झाला होता. मंदाकिनी यांनी त्याकाळात दाखवलेलं धाडसाची आजही चर्चा होते. यावर बऱ्याच वर्षांनी अभिनेत्रीने त्या सीनचे महत्व सांगत मोठा खुलासा केला आहे.
वॉटरफॉलच्या सीनबद्दल अभिनेत्री काय म्हणाली…
वॉटरफॉलच्या सीनबद्दल बोलताना मंदाकिनी म्हणाल्या की, ‘राज कपूर यांनी हे दृश्य आधी समजावून सांगितले. तसेच ते अश्लील असल्याचा विचार मनातून फेटाळून लावला. कारण या सिनेमाची मुख्य विचार पवित्रता आणि गंगा या पात्राबाबत होते. माझ्यासमोर राज कपूर होते. मला वाटले म्हणून मी साडी डबल केली. त्यांनी सांगितलं मग मी केलं. नंतर तो शॉट पूर्ण झाला. माझ्यासाठी ती खूप मोठी गोष्ट होती. कारण मी खूप छोट्या ठिकाणाहून आले होते. वयाच्या १६ व्या वर्षी मला पूर्णपणे कल्पना नव्हती की, अशा दृश्यांकडे नंतर कसे पाहिले जाईल’ असेही अभिनेत्री सांगितले.
अनेक अॅाफर्स मिळाल्या पण…
या सिनेमात स्तनपानाचा सीन आहे. या सीनवर देखील मंदाकिनी यांनी भाष्य केले. त्या म्हणाल्या ‘तो सीन प्रत्यक्षात स्तनपान करण्याऐवजी एक विशिष्ट कॅमेरा अँगलने तयार करण्यात आला होता. मी लो कट ड्रेस घातला होता. अन् बाळाला जवळ धरले होते. योग्य फ्रेमिंगमुळे आई बाळाला स्तनपान देत असल्याचं दिसलं’, असं मंदाकिनी यांनी सांगितलं. या सिनेमानंतर त्यांना अनेक अशा प्रकारच्या भूमिकांची अॅाफर्स आल्या होत्या. मात्र, त्या करण्यास त्यांनी साफ नकार कळवला.
