Astad Kale Post : नुकतीच अभिनेता अस्ताद काळे याने परिवहन मंत्री प्रताप सरनाईक यांनी त्यांच्या नातवासाठी टेस्ला कंपनीची सर्वात महागडी कार खरेदी केली. यानंतर अभिनेत्याने थेट इंन्स्टावर पोस्ट शेअर करत याविषयी आपलं मत माडलं होतं. अस्तादची पोस्ट प्रचंड व्हायरल झाली होती. त्यानंतर आता पुन्हा एकदा अभिनेता अस्ताद काळे त्याच्या पोस्टमुळे चर्चेत आला आहे. या नव्या पोस्टमधून त्याने आपलं प्ररखड मत व्यक्त केलं आहे.

त्याने सोशल मीडियावरून एक पोस्ट शेअर केली असून, या पोस्टमधून राजकारण्यांवर त्याने निशाणा साधला आहे. अभिनेता अस्ताद काळे हा सतत सोशल मीडियावर सक्रिय असतो. त्याने छोट्या पडद्यासह मोठा पडदा आणि रंगभूमीवर देखील स्वतःच स्थान निर्माण केलं आहे. अस्तादाने जी पोस्ट त्याच्या इंन्स्टाग्राम अंकाऊंटवरून शेअर केली आहे. त्या पोस्टमध्ये त्याने व्यक्त केलेल्या प्ररखड मताला अनेकांनी कमेंट करत सहमती दर्शवली आहे.

 

View this post on Instagram

 

A post shared by Aastad Sunita Pramod Kale (@aastadkale)

पोस्टमध्ये काय म्हणाला अस्ताद काळे?

कॉर्पोरेट असो, आय.टी असो, बँकिंग असो…. या सर्व क्षेत्रांमधे महिन्याला साधारण रु.२,५०,०००/- ते रु.४,५०,०००/- एवढा पगार मिळवणारे लोक हे मोठ्या पदांवर असतात, अधिकारी असतात. त्यांना तिथपर्यंत पोचायला बऱ्यापैकी उच्च शिक्षण घेणं आवश्यक असतं. त्यांनी काही महिने जरी कामात टाळाटाळ केली, जबाबदाऱ्या पार पाडल्या नाहीत तर त्यांची नोकरी अथवा त्यांचं पद धोक्यात येऊ शकतं. शिवाय सरकारी बँकेतले, कंपनीतले कर्मचारी/अधिकारी असाल तर ठराविक वयाचे झाल्यावर तुम्हाला निवृत्त व्हावंच लागतं. मात्र……!!!!! अशी पोस्ट त्याने लिहिली आहे.

पोस्टमधून साधला निशाणा

त्याने या पोस्टमधून राजकारणातील परिस्थिती याच्या अगदी उलट असल्याचं म्हटलं आहे. लोकनियुक्त प्रतिनिधी म्हणून निवडून आलात की पुढची ५ वर्ष तुमचा हा पगार, भत्ते वगैरे चालू असतं. दुसऱ्यांदा निवडून आलात की त्यात वाढही होते. आणि या ५ वर्षांमधे तुम्ही धड काम नाही केलंत, जबाबदाऱ्या पार नाही पाडल्यात, तरी तुमची हकालपट्टी होत नाही. आणि ही कामं, जबाबदाऱ्या या गावं, शहरं, राज्यं आणि देश चालवण्याशी निगडित आहे राव !!! आणि वयोमानपरत्वे निवृत्तीची सक्तीही नाही. मज्जाच मज्जा आहे बुवा सगळी !!!!! असं त्याने पुढे पोस्टमध्ये म्हटलं आहे. त्याची ही पोस्ट प्रचंड व्हायरल झाली आहे.

हेही वाचा : एलॉन मस्कला मागे टाकत ‘ही’ ८१ व्यक्ती बनली जगातील सर्वात श्रीमंत ; वाचा एकूण संपत्ती किती ?