Haryana Assembly Election Voting: हरियाणामध्ये शनिवारी विधानसभा निवडणुकीसाठी मतदान सुरू आहे. विधानसभेच्या सर्व 90 जागांसाठी एकाच टप्प्यात मतदान होत आहे. हरियाणात 2 कोटींहून अधिक मतदार मतदानात भाग घेत आहेत. यावेळी हरियाणामध्ये रंजक स्पर्धा आहे. सत्ताधारी पक्ष भाजप राज्यात तिसऱ्यांदा सरकार स्थापन करण्यासाठी लढणार आहे, तर काँग्रेसला दीर्घ कालावधीनंतर राज्यात पुन्हा सत्तेत येण्याची आशा आहे. आप, INLD-BSP आणि JJP-ASP उमेदवारांचे भवितव्यही ईव्हीएममध्ये सील केले जाईल. दुपारी 3 वाजेपर्यंत सर्व 90 जागांवर 49.13 टक्के मतदान झाले आहे.

Assembly elections | Haryana recorded 49.13% voter turnout till 3 pm, as per Election Commission of India. pic.twitter.com/mlA8Wmw5Jp

— ANI (@ANI) October 5, 2024

हरियाणामध्ये यावेळच्या विधानसभा निवडणुकीसाठी 20,629 मतदान केंद्रे उभारण्यात आली आहेत. निवडणुकीत अनेक दिग्गजांचे भवितव्य पणाला लागले आहे. यावेळी काँग्रेस पक्षाने पॅरिस ऑलिम्पिकमध्ये सुवर्णपदक जिंकू न शकलेली कुस्तीपटू विनेश फोगट हिला जुलाना येथून उमेदवारी दिली आहे. निवडणूक आयोगाने ९० जागांवर मतदानासाठी आवश्यक तयारी पूर्ण केली होती. सकाळी ७ वाजल्यापासून मतदान सुरू आहे.

हरियाणाचे मुख्यमंत्री आणि लाडवा विधानसभा मतदारसंघातील भाजपचे उमेदवार नायब सिंह सैनी म्हणाले की, आम्हाला खूप प्रेम मिळत आहे, संपूर्ण राज्यात कमळ फुलले आहे, लाडवामध्येही कमळ फुलले आहे. काँग्रेसचे घराणेशाही आणि भेदभावाचे राजकारण आम्ही संपवले आहे. ते म्हणाले की, हुड्डा साहेब केवळ एका विशिष्ट वर्गाकडे, केवळ विशिष्ट क्षेत्राकडे पाहत असत, पण आमच्या सरकारमध्ये आम्ही सर्वांचा विकास, सर्वांचा सहभाग असे काम केले आहे. जे काम आपण गेल्या 10 वर्षात केले ते काँग्रेसच्या 7 पिढ्याही करू शकणार नाहीत.