Assam Election Result: आसाम विधानसभा निवडणुकीचा निकाल आज जाहीर होणार आहे.त्यासाठी आजसाकापासून मतमोजणीस सुरुवात झाली आहे. सुरुवातीच्या कलानुसार यामध्ये भाजप आघाडीवर असल्याचे दिसून येत आहे. तर काँग्रेस दुसऱ्या स्थानावर असल्याचे पाहायला मिळत आहे. सुरुवातीच्या कलानुसार यामध्ये भाजप १२ जागांवर आघाडीवर असल्याचे समोर आले आहे. तर दुसरीकडे काँग्रेसला आतापर्यंत केवळ १ जागेवर आघाडी मिळवण्यात यश आले आहे. संपूर्ण देशासह, संपूर्ण ईशान्य भारताचे लक्ष राज्याच्या १२६ जागांवर कोणता पक्ष सरकार स्थापन करेल याकडे लागले आहे. आसाममध्ये ९ एप्रिल रोजी मतदान झाले. या निवडणुकीतील मुख्य लढत मुख्यमंत्री हिमंता बिस्वा सरमा यांच्या नेतृत्वाखालील एनडीए आघाडी आणि काँग्रेसच्या नेतृत्वाखालील विरोधी आघाडी यांच्यात पाहायला मिळत आहे. Assam Election Result: भाजपने एजीपी आणि यूपीपीएलसोबत युती करून निवडणूक लढवली, तर काँग्रेसने एआययूडीएफसह अनेक पक्षांसोबत आघाडी केली. निवडणूक प्रचारादरम्यान बांगलादेशी घुसखोरी, राष्ट्रीय नागरिक नोंदणी (एनआरसी), नागरिकत्व सुधारणा कायदा (सीएए), पूर, बेरोजगारी, चहाच्या मळ्यातील कामगारांचे प्रश्न आणि विकास हे प्रमुख मुद्दे होते. पंतप्रधान नरेंद्र मोदी, अमित शाह, राहुल गांधी आणि प्रियांका गांधी यांच्यासह अनेक प्रमुख नेत्यांनी राज्यात सभांची मालिका घेतली. Assam Election Result: या वर्षीच्या आसाम विधानसभा निवडणुकीत मोठ्या प्रमाणात मतदान झाले असून, सत्ताधारी पक्ष आणि विरोधी पक्ष दोघेही ही बाब आपल्या बाजूने असल्याचे सांगत आहेत. एक्झिट पोलनुसार एनडीएला मोठी आघाडी मिळाली आहे. तथापि, अनेक जागांवर लढत अत्यंत अटीतटीची असल्याचे म्हटले जात आहे. काँग्रेस आघाडीनेही चांगली कामगिरी केल्याचा दावा केला असून, निकाल लागण्यापूर्वी राजकीय हालचाली तीव्र झाल्या आहेत. Assam Election Result:
