हांगझोऊ  :- पॅरा आशियाई क्रीडा स्पर्धेत भारतीय खेळाडूंची आगेकूच कायम राहिली आहे. गुरुवारी तिरंदाजी प्रकारात भारताने पहिले सुवर्णपदक जिंकले आहे. तिरंदाजीच्या कंपाऊंड ओपन मिश्र सांघिक स्पर्धेत राकेश कुमार आणि शीतल देवी यांनी सुवर्णपदक मिळवले आहे. भारताच्या या जोडीने चीनच्या लिन आणि एई यांचा 151-149 असा पराभव करत सुवर्णपदक मिळवले.

🥇A golden triumph for INDIA in Archery at #AsianParaGames! 🇮🇳

🌟 The Golden Touch delivered by #TOPSchemeAthletes Sheetal Devi & @RakeshK21328176 in Para Archery Compound Mixed Team, showcasing their exceptional skills and strength in the sport. 🏹

Congratulations to both for… pic.twitter.com/Zrm7i1f4NB

— SAI Media (@Media_SAI) October 26, 2023

भारतीय खेळाडू तुलसीमाथी व अन्य चार खेळाडू सुवर्णपदकाच्या लढतीसाठी पात्र ठरले आहेत. नेमबाजी स्पर्धेतही अभिनवने ब्रॉंझपदक तर गौतमीने रजतपदक पटकावले आहे. तसेच भारताचा मैदानी स्पर्धेतील खेळाडू सचिन याने पहिले सुवर्णपदक मिळवून दिले. त्याने पुरुषांच्या गोळाफेकीत सुवर्णपदक पटकावले. तर सिद्धार्थ बाबूने 50 मीटर रायफल स्पर्धेत नवीन विक्रम नोंदवताना सुवर्णपदकाला गवसणी घातली. सिद्धार्थ बाबूने 247.7 गुण नोंदवताना नवा विक्रम साकार केला. आतापर्यंत भारतीय खेळाडूंनी 17 सुवर्ण, 20 रजत तर 32 ब्रॉंझपदके मिळवली आहेत.

भारताच्या निमिषा सुरेशने महिलांच्या लांब उडी स्पर्धेत सुवर्णपदक पटकावले. आतापर्यंत भारताने एकूण 17 सुवर्णपदके जिंकली आहेत. या स्पर्धेत निमिषाने 5.15 मीटर अंतर नोंदवताना सुवर्णपदक मिळवले. भारताच्या कीर्ती चौहानने याच स्पर्धेत 4.42 मीटरची नोंद करत चौथे स्थान मिळवले आहे.