Asaram Bapu । लैंगिक शोषण प्रकरणात आजन्म सक्तमजुरीची शिक्षा भोगत असलेल्या आसाराम बापूला राजस्थान उच्च न्यायालयाकडून मोठा दिलासा मिळाला आहे. जोधपूर बलात्कार प्रकरणात त्याला उच्च न्यायालयाकडून ३१ मार्चपर्यंत अंतरिम जामीन मिळाला आहे. जामिनामुळे मोठा दिलासा Asaram Bapu । आसारामला बलात्काराच्या दोन प्रकरणांमध्ये जन्मठेपेची शिक्षा सुनावण्यात आली आहे. एक प्रकरण म्हणजे त्याच्या सुरत आश्रमात एका महिला अनुयायीवर बलात्कार झाल्याचे. दुसरे, जोधपूर आश्रमातील बलात्काराबद्दल आहे. ७ जानेवारी रोजी सुरत बलात्कार प्रकरणात सर्वोच्च न्यायालयाने त्यांना अंतरिम जामीन मंजूर केला . तसेच जोधपूर बलात्कार प्रकरणात उच्च न्यायालयात जाण्यास सांगितले. आता उच्च न्यायालयानेही जामीन मंजूर केला आहे. त्यामुळे आता न्यायालयाकडून आसाराम बापूला मोठा दिलासा मिळाला असल्याचे दिसून येत आहे. सर्वोच्च न्यायालयाच्या अटी Asaram Bapu । आरोग्याच्या कारणास्तव सर्वोच्च न्यायालयाने आसारामला जामीन मंजूर केला होता. वृद्धापकाळ आणि खराब आरोग्याच्या आधारावर ही सवलत दिली जात असल्याचे न्यायालयाने स्पष्ट केले. सर्वोच्च न्यायालयाचे न्यायमूर्ती एमएम सुंदरेश यांच्या अध्यक्षतेखालील खंडपीठाने आसारामला जामीन देताना काही अटीही घातल्या. सर्वोच्च न्यायालयाने, “आसाराम याची जामिनावर सुटका करण्यात येत आहे, परंतु,या सुटकेदरम्यान त्याच्या अनुयायांना भेटू शकणार नाही. पुराव्यांशी छेडछाड करणार नाही. उपचारादरम्यान तीन पोलिस त्याच्यासोबत राहतील”अशा अटी घालून दिल्या आहेत. २०१३ मध्ये आसारामला इंदूरमध्ये अटक करण्यात आली होती. त्यांचे ८६ वर्षे आहे. १२ वर्षे ८ महिने २१ दिवसांनंतर आसारामला पहिल्यांदाच जामीन मिळाला आहे. हेही वाचा “उद्धव ठाकरेंची हकालपट्टी करा” ही मागणी करणाऱ्यांच्या जिभा कशा काय झडत नाहीत?” ; ठाकरे गटाकडून शिंदे गटावर पलटवार
