Asaduddin Owaisi on Modi। अमेरिकेचे राष्ट्राध्यक्ष डोनाल्ड ट्रम्प यांनी H-1B व्हिसा शुल्क वाढवण्याच्या निर्णयानंतर भारतीय राजकारण तापले आहे. विरोधी पक्ष सतत मोदी सरकारवर प्रश्न उपस्थित करत आहेत. ऑल इंडिया मजलिस-ए-इत्तेहादुल मुस्लिमीन (एआयएमआयएम) चे प्रमुख असदुद्दीन ओवैसी यांनी अमेरिकेने १००,००० डॉलर्स शुल्क निश्चित करण्याच्या निर्णयानंतर केंद्र सरकारवर टीका केली. त्यांनी, “Howdy Modi and Namaste Trump” सारख्या मोठ्या कार्यक्रमांपासून देशाला काय फायदा झाला?”असा थेट सवाल केला आहे. ओवैसी काय म्हणाले? Asaduddin Owaisi on Modi। सोशल मीडिया प्लॅटफॉर्मवर ओवैसी यांनी,” ट्रम्प यांनी H-1B व्हिसा प्रणाली जवळजवळ रद्द केली आहे, जरी या व्हिसाचा सर्वाधिक फायदा भारतीयांना झाला, विशेषतः तेलंगणा आणि आंध्र प्रदेशातील तरुणांना.” असे त्यांनी म्हटले. ओवैसींनी मोदी सरकारवर हे आरोप केले ओवैसींनी यावेळी आरोप केला की, “मोदी सरकारने देशांतर्गत राजकीय दिखाव्यासाठी दीर्घकालीन फायद्यांकडे दुर्लक्ष केले. त्यांनी सांगितले की, त्यांची तक्रार ट्रम्प यांच्याकडे नाही तर सरकारकडे आहे. “Howdy Modi and Namaste Trump” सारख्या कार्यक्रमांपासून आम्हाला काय मिळाले?”असा प्रश्न उपस्थित केला. हैदराबादचे खासदार ओवैसी यांनी पंतप्रधान मोदींवर टीका करताना म्हटले की, ट्रम्प यांच्या निर्णयांवरून हे सिद्ध होते की अमेरिका भारताला धोरणात्मक भागीदार मानत नाही. त्यांनी असेही म्हटले की, केवळ वाढदिवसाच्या शुभेच्छा परराष्ट्र धोरणाच्या यशाचा पुरावा असू शकत नाहीत. ओवैसींनी आरोप केला की एच१-बी व्हिसातील बदल विशेषतः भारतीयांना लक्ष्य केले गेले. त्यांनी भारतीय वस्तूंवर अलिकडेच लादलेल्या शुल्काचा आणि पाकिस्तान-सौदी अरेबिया सुरक्षा कराराचाही उल्लेख केला आणि म्हटले की ट्रम्प प्रशासनाच्या मान्यतेशिवाय यापैकी काहीही शक्य नव्हते. ओवैसींच्या मते, या घडामोडी भारताची कमकुवत जागतिक स्थिती दर्शवतात. ओवैसींचे हे महत्त्वाचे विधान Asaduddin Owaisi on Modi। ओवैसींनी मोदी सरकारच्या कारकिर्दीचे वर्णन भारताच्या परराष्ट्र धोरणातील “हरवलेले दशक” असे केले. इतर विरोधी पक्षही मागे नव्हते. काँग्रेसने पंतप्रधानांना कमकुवत नेते म्हटले आणि आम आदमी पक्षाचे अरविंद केजरीवाल यांनी टिप्पणी केली की मोदी सरकार या प्रकरणात पूर्णपणे असहाय्य असल्याचे दिसून आले.
