इंस्टाग्रामवर लाईव्ह येताच MC Stan ने बनवला नवा विक्रम ! क्रिस्टियानो रोनाल्डोनेही पाहिले लाईव्ह.. जगभरातील टॉप 10 व्हिडीओजमध्ये झाला समावेश
मुंबई – बिग बॉस सोळाच्या सिजनमध्ये अमरावतीच्या शिव ठाकरेला हरवत पुण्याचा एमसी स्टॅन विजेता झाला. तेव्हापासून एमसी स्टॅनवर विजयाचा वर्षाव सुरूच आहे. कोणालाही अपेक्षा नसताना एमसी स्टॅनने बिग बॉसचा विजय खेचून आणला आणि ट्रॉफी आपल्या नावे केली. यानंतर सोशल मीडियावर एमसी स्टॅनची क्रेझ आणखी वाढू लागली आहे. एका विक्रमात एमसी स्टॅनने विराट कोहली आणि शाहरुख खानला देखील मागे टाकले आहे.
ज्या दिवशी एमसी स्टॅन बिग बॉस जिंकला त्या दिवशी त्याने एक पोस्ट केली होती. विशेष म्हणजे यावेळी किंग कोहलीने देखील भारतीय महिला टीमने पाकिस्तानी टीमवर मिळवलेल्या विजयासाठी एक खास पोसणे केली होती. विराट कोहली भारतातील इंस्टाग्रामवर सर्वात जास्त फॉलोवर्स असलेला सेलिब्रेटी आहे. मात्र यावेळी एमसी स्टॅनने त्याला टक्कर दिली आहे. दोघांनी शेअर केलेल्या पोस्ट पाहता कोहलीच्या पोस्टला वीस लाखांहून अधिक लाईक्स होते तर एमसी स्टॅनच्या पोस्टला तब्बल साठ लाखाहून अधिक लाईक्स मिळाल्याचे पाहायला मिळाले.
View this post on Instagram
लाइव्हमध्ये देखील मोडले शाहरुखचे रेकॉर्ड
बिग बॉस जिंकल्यानंतर एमसी स्टॅन पहिल्यांदाच आपल्या इंस्टाग्रामवर लाईव्ह आलेला दिसला. यावेळी काही मिनिटांमध्येच त्याला पाहणाऱ्यांची संख्या पाच लाख ४१ हजारांवर गेली होती. यावेळी देखील त्याने शाहरुख खानला मागे टाकले आहे. या नव्या विक्रमाने एमसी स्टॅन हा भारतातील सर्वात जास्त व्ह्यूज येणार पहिला सेलेब्रिटी बनला आहे. या लाईव्ह दरम्यान जगभरातील अनेक सेलिब्रेटींनी त्याला शुभेच्छा दिल्याचे पाहायला मिळाले.
History created. Now this is next level craze, all the previous records of #BiggBoss winner and Contestants have been broken. No one have ever touched 200K mark of live viwers and #MCStan has got 541K Live Viewers😱 pic.twitter.com/X5ZWXoQu8a
— The Khabri (@TheKhabriTweets) February 16, 2023
एमसी स्टॅनच्या या लाईव्ह दरम्यान क्रिस्टियानो रोनाल्डो, ड्रेक, निकी मिनाज आणि बीटीएस मेंबर जंगकूक आणि तायह्युंग यांच्याकडून देखील त्याला लाइक्स मिळाले आहेत. जगभरातील टॉप टेन लाइव्हमध्ये एमसी स्टॅनच्या या लाईव्हचा समावेश करण्यात आला आहे.
