Dr. Shrikant Shinde : कल्याण डोंबिवली महापालिकेच्या डोंबिवलीतील शास्त्रीनगर रुग्णालयात एक धक्कादायक प्रकार समोर आला आहे. या रुग्णालयातील एक व्हिडिओ सोशल मीडियावर व्हायरल होत असून, एक व्यक्ती आणि त्याच्यासोबत असलेले सहकारी डॉक्टर, नर्सना आणि इतर कर्मचाऱ्यांना मारहाण करत आहेत.

जी व्यक्ती मारहाण करताना दिसते ती दुसरी तिसरी कोणी नसून कल्याण डोंबिवली महापालिकेतील नगरसेवक आहे. त्यांचं नाव आहे रमेश म्हात्रे. ते शिंदेसेनेचे नगरसेवक आहेत. लोकप्रतिनिधी असलेल्या म्हात्रेंनी थेट रुग्णालयात घुसून एखाद्या गुंडासारखा धुडगूस घातला आणि मारहाण केली असल्याचा आरोप आहे. यानंतर त्यांच्यावर टीकेची झोड उठवली जात आहे.   (Dr. Shrikant Shinde)

या मारहाण प्रकाराने विरोधकांनी शिंदेंच्या शिवसेनेवर टीका करायला सुरुवात केली आहे. आता या प्रकरणी खासदार डॅा. श्रीकांत शिंदे यांची प्रतिक्रिया समोर आली असून, कायदा हातात घेणाऱ्या कोणालाही माफी दिली जाणार नाही आणि दोषींवर कायद्यानुसार कठोर कारवाई केली जाईल. असे म्हटले आहे.   (Dr. Shrikant Shinde)

हेही वाचा : Neetu Kapoor: वयाच्या पाचव्या वर्षी सुरू झाला प्रवास; नावही नव्हतं पडद्यावर, पण नीतू कपूर बनल्या बॉलिवूडच्या सुपरस्टार

काय म्हणाले डॅा. श्रीकांत शिंदे?   (Dr. Shrikant Shinde)

कल्याण-डोंबिवली महानगरपालिकेच्या (KDMC) शास्त्री नगर रुग्णालयातील डॉक्टर आणि वैद्यकीय कर्मचाऱ्यांना झालेली मारहाण अत्यंत निषेधार्ह आहे. एक डॉक्टर म्हणून मला माहीत आहे की, रुग्णसेवा ही केवळ एक नोकरी नसून ती मानवतेची सेवा आहे. अत्यंत प्रतिकूल आणि तणावपूर्ण परिस्थितीत डॉक्टर, परिचारिका आणि इतर आरोग्य कर्मचारी दिवस-रात्र जनतेच्या सेवेसाठी कार्यरत असतात.

कल्याण-डोंबिवली महानगरपालिकेच्या (KDMC) शास्त्री नगर रुग्णालयातील डॉक्टर आणि वैद्यकीय कर्मचाऱ्यांना झालेली मारहाण अत्यंत निषेधार्ह आहे. एक डॉक्टर म्हणून मला माहीत आहे की, रुग्णसेवा ही केवळ एक नोकरी नसून ती मानवतेची सेवा आहे. अत्यंत प्रतिकूल आणि तणावपूर्ण परिस्थितीत डॉक्टर,…

— Dr Shrikant Lata Eknath Shinde (@DrSEShinde) July 8, 2026

या घटनेप्रकरणी गुन्हा दाखल करण्यात आला आहे. कायदा हातात घेणाऱ्या कोणालाही माफी दिली जाणार नाही आणि दोषींवर कायद्यानुसार कठोर कारवाई केली जाईल. पक्षाची भूमिकाही याबाबत स्पष्ट आहे. या हल्ल्यात सहभागी असलेल्या कोणत्याही व्यक्तीला पक्ष पाठीशी घालणार नाही. दोषी आढळणाऱ्यांविरुद्ध पक्षांतर्गतही कठोर शिस्तभंगाची कारवाई करण्यात येईल.  Dr. Shrikant Shinde

एक लोकप्रतिनिधी आणि डॉक्टर म्हणून मी KDMC रुग्णालयातील सर्व डॉक्टर, परिचारिका आणि वैद्यकीय कर्मचाऱ्यांसोबत ठामपणे उभा आहे. त्यांच्या सुरक्षिततेचा, सन्मानाचा आणि निर्भयपणे सेवा देण्याच्या अधिकाराचा आपण सर्वांनी आदर केला पाहिजे, असे डॅा. श्रीकांत शिंदे यांनी एक्सवरुन शेअर केलेल्या ट्वीटमध्ये म्हटलं आहे.

नेमकं प्रकरण काय?   (Dr. Shrikant Shinde)

शिंदेसेनेचे नगरसेवक रमेश म्हात्रे हे आपल्या कार्यकर्त्यांसह केडीएमसीच्या शास्त्रीनगर रुग्णालयात पोहोचले. यावेळी काही कार्यकर्त्यांनी रुग्णालयाच्या सुरक्षा रक्षकांना अडवून ठेवल्याचा आरोप आहे. त्यानंतर रमेश म्हात्रे आणि त्यांच्या समर्थकांनी रुग्णालयात प्रवेश करून तेथील डॉक्टर आणि कर्मचाऱ्यांशी धक्काबुक्की व मारहाण केल्याचा आरोप करण्यात आला आहे. व्हिडिओमध्ये महिला डॉक्टर आणि परिचारिकांनाही मारहाण होत असल्याचे दिसत असल्याचा दावा केला जात आहे.

मिळालेल्या माहितीनुसार, एका महिलेला प्रसूतीसाठी महापालिकेच्या शास्त्रीनगर रुग्णालयात दाखल करण्यात आले होते. डॉक्टरांनी महिलेची तपासणी केली आणि महिलेच्या कुटुंबीयांना माहिती दिली की, जन्मानंतर बाळाला एनआयसीयू उपचारांची गरज पडू शकते.

सध्या रुग्णालयात बेड शिल्लक नसल्याने दुसऱ्या रुग्णालयात भरती होण्याचा सल्ला देण्यात आला. मात्र, महिलेच्या नातेवाईकांनी डॉक्टरांशी वाद घालण्यास सुरुवात केली. त्यानंतर नगरसेवक रमेश म्हात्रे यांनी रुग्णालयात येऊन महिला डॉक्टर, नर्स आणि इतर कर्मचाऱ्यांना मारहाण केली, असा आरोप आहे.

डॉक्टर, नर्स आणि इतर कर्मचाऱ्यांचे कामबंद आंदोलन    (Dr. Shrikant Shinde)

या घटनेचे तीव्र पडसाद उमटले असून, शास्त्रीनगर रुग्णालयातील डॉक्टर, नर्स आणि इतर कर्मचाऱ्यांनी या घटनेचा निषेध नोंदवण्यासाठी काम बंद आंदोलन पुकारले आहे.

हेही वाचा : Indian Army: सुरक्षा दलांची जम्मू -काश्मीरमध्ये कारवाई ; शोपियानमध्ये लश्कर-ए-तोयबाचा एक कुख्यात दहशतवादी ठार