Aryan Khan: बॉलीवूडचा किंग शाहरुख खान याचा मुलगा आर्यन खान याने चित्रपटसृष्टीत पाऊल ठेवताच आपल्या दिग्दर्शकीय कौशल्याने सर्वांचे लक्ष वेधून घेतले आहे. आर्यनच्या ‘द बॅड्स ऑफ बॉलीवूड’ या पहिल्याच वेब सीरिजने प्रेक्षकांची आणि समीक्षकांची मने जिंकली असून, या कामगिरीसाठी त्याला आयोजित एका विशेष सोहळ्यात ‘बेस्ट डेब्यू डायरेक्टर ऑफ द इयर’ या पुरस्काराने गौरवण्यात आले. महाराष्ट्राचे मुख्यमंत्री देवेंद्र फडणवीस यांच्या हस्ते आर्यनला हा मानाचा पुरस्कार प्रदान करण्यात आला, जे त्याच्या कारकिर्दीतील एक मोठे यश मानले जात आहे. पहिलीच वेब सीरिज – आर्यन खानने अभिनयाऐवजी कॅमेऱ्याच्या मागे राहून दिग्दर्शनाची धुरा सांभाळण्याचा घेतलेला निर्णय सार्थ ठरला आहे. त्याची पहिलीच वेब सीरिज ‘द बॅड्स ऑफ बॉलीवूड’ त्याच्या करिअरसाठी एक मोठा टर्निंग पॉइंट ठरली असून, यातील वेगवान लेखन, उत्तम विनोद आणि खिळवून ठेवणारी कथा यामुळे आर्यनच्या दिग्दर्शकीय व्हिजनचे सर्वत्र कौतुक होत आहे. या यशाची दखल घेत त्याला नुकतेच ‘NDTV इंडियन ऑफ द इयर २०२५’ मध्येही ‘डेब्यू डायरेक्टर ऑफ द इयर’ पुरस्काराने सन्मानित करण्यात आले होते, ज्यामुळे त्याच्या यशाच्या शिरपेचात आणखी एक मानाचा तुरा रोवला गेला आहे. सप्टेंबर महिन्यात नेटफ्लिक्सवर प्रदर्शित झालेल्या या सीरिजने अल्पावधीतच लोकप्रियतेचे शिखर गाठले. ही सीरिज केवळ नेटफ्लिक्स इंडियावर पहिल्या क्रमांकावर राहिली नाही, तर तिने जागतिक स्तरावरील ‘टॉप १०’ (बिगर इंग्रजी शो) यादीतही स्थान मिळवले. लेखन आणि दिग्दर्शन स्वतः आर्यन खानने केले – न्यूयॉर्कच्या प्रसिद्ध टाइम्स स्क्वेअर बिलबोर्डवर या सीरिजची झलक दिसणे, हे या शोच्या आंतरराष्ट्रीय यशाचे जिवंत उदाहरण आहे. या सीरिजचे लेखन आणि दिग्दर्शन स्वतः आर्यन खानने केले असून, गौरी खान यांनी ‘रेड चिलीज एंटरटेनमेंट’च्या बॅनरखाली याची निर्मिती केली आहे. यामध्ये लक्ष्य लालवानी, बॉबी देओल, मोना सिंह, राघव जुयाल, अन्या सिंह आणि मनोज पाहवा यांसारख्या दिग्गज कलाकारांच्या महत्त्वपूर्ण भूमिका आहेत.
