Complaint filed against Abhijit Dipke : दिल्लीतून एक मोठी बातमी समोर आली आहे. दिल्ली पोलिसांत सीजेपीचे संस्थापक अभिजीत दिपके यांच्याविरोधात तक्रार दाखल करण्यात आली आहे. यामुळे एकच खळबळ उडाली असून, फैजान अन्सारी असं तक्रार दाखल करणाऱ्या व्यक्तीचे नाव असून ते सोशल मीडिया इन्फ्लूएन्सर आहेत. त्यांनी तक्रारीत अभिजीत दिपकेंवर गंभीर आरोप करत त्यांना तात्काळ अटक करावी अशी मागणी केली आहे.

‘एनआयआय’ वृत्तसंस्थेला फैजान अन्सारी यांनी प्रतिक्रिया दिली. ते म्हणाले “मी अभिजीत दीपके यांच्या विरोधात दिल्ली पोलीस उपायुक्तांकडे तक्रार दाखल केली आहे. अभिजीत दीपके यांच्या सहकाऱ्यांनी माझ्यावर हल्ला केला. त्याचा पुरावा देखील माझ्याकडे आहे. माझ्यावर पुणे आणि छत्रपती संभाजीनगरमध्ये हल्ला झाला. या संदर्भात पोलिसांत दोन गुन्हे दाखल आहेत. त्यामुळे दीपके यांना तात्काळ अटक करावी.” असं अन्सारी यांनी सांगितलं.   (Abhijit Dipke)

 

तसेच त्यांनी यावेळी बोलताना दिल्ली पोलिसांनी केलेल्या कारवाईचं कौतुक केलं. अन्सारी म्हणाले “मी दिल्लीच्या मुख्यमंत्री आणि पोलिसांना सॅल्यूट करतो. त्यांनी दिल्लीतील वातावरण बिघडू दिले नाही. खरंतर दीपके स्वत:च्या हितासाठी सर्व करत आहेत,” असा गंभीर आरोपही केला.

दिपकेंच्या संपत्तीची चौकशी करण्याची मागणी  (Abhijit Dipke)

अभिजीत दीपके यांचे वडील भगवानराव दीपके यांच्या संपत्तीची चौकशी करण्याची मागणी करण्यात आली आहे. याची चर्चा सुरू असतानाच दिल्लीत अभिजीत दिपके यांच्याविरोधात तक्रार देण्यात आल्याने याची देशभरात चर्चा रंगली आहे.

Rakul Preet Singh: ‘शूर्पणखा’च का निवडली? रकुल प्रीत सिंहने सांगितलं खास कारण