अभिनेता अर्जुन रामपालने नुकतेच सोशल मीडियाच्या माध्यमातून त्याचे एक्स खाते (पूर्वीचे ट्विटर) हॅक झाले असल्याची माहिती दिली आहे.

अर्जुनने आपल्या अधिकृत इंस्टाग्राम अकाउंटवर ही माहिती देताना अर्जुन रामपाल दुःख व्यक्त केल आहे. ‘ही चांगली बातमी नाही. माझे X खाते हॅक झाले आहे. कृपया, कोणत्याही ट्विट किंवा संदेशाला उत्तर देऊ नका.’ असा संदेश दिला आहे.

अर्जुन रामपाल बर्याच काळापासून कोणत्याही मोठ्या हिट चित्रपटाचा भाग नाही. 2023 मध्ये कंगना राणावतचा ‘धाकड’ या चित्रपटात अर्जुन खलनायकाच्या भूमिकेत दिसला होता. हा चित्रपट बॉक्स ऑफिसवर चांगलाच फ्लॉप झाला. यानंतर, अभिनेता विद्युत जामवालसोबत या वर्षी प्रदर्शित झालेल्या क्रॅक चित्रपटात दिसला. हा चित्रपटही बॉक्स ऑफिसवर काही खास कमाई करू शकला नाही.

येत्या काळात अर्जुन रामपाल द बॅटल ऑफ भीमा कोरेगाव या चित्रपटात दिसणार आहे. चित्रपटाची रिलीज डेट अद्याप जाहीर झाली नसली तरी हा चित्रपट तयार आहे. मंकी, नास्तिक आणि धुरंदर हे चित्रपटही त्यांच्याकडे आहेत. चित्रपटांव्यतिरिक्त अर्जुन नेटफ्लिक्स सीरिज राणा नायडूमध्येही दिसणार आहे.

फिल्मी करिअरबद्दल बोलायचे झाले तर, मॉडेलिंगमध्ये यश मिळवल्यानंतर अर्जुन रामपालने 2001 मध्ये आलेल्या प्यार इश्क और मोहब्बत या चित्रपटातून आपल्या अभिनय कारकिर्दीला सुरुवात केली. दिल है तुम्हारा, दिल का रिश्ता, याकन, हमको तुमसे प्यार है, रॉक ऑन, हाऊसफुल, राजनीती यासारख्या उत्कृष्ट चित्रपटांमध्ये अभिनेता दिसला आहे.