Rupali Patil Thombre : राष्ट्रवादी काँग्रेसच्या दोन्ही गटांच्या विलिनीकरणाच्या चर्चांनी पुन्हा एकदा राजकीय वातावरण तापले आहे. या चर्चांवर राष्ट्रवादी काँग्रेसचे प्रदेशाध्यक्ष सुनील तटकरे यांनी प्रतिक्रिया दिल्यानंतर आता पक्षाच्या महिला नेत्या रुपाली पाटील ठोंबरे यांनी त्यांच्यावर गंभीर आरोप केले आहेत.

भाजपसोबत चर्चा करून मंत्रिपद मिळवण्यासाठी विलीनीकरणाचा मुद्दा पुढे आणला जात आहे का? असा थेट सवाल त्यांनी उपस्थित केला आहे. इतकेच नव्हे, तर उपमुख्यमंत्री सुनेत्रा पवार, पार्थ पवार आणि जय पवार यांना सुनील तटकरे त्रास देत असल्याचा आरोपही रुपाली पाटील ठोंबरे यांनी केला आहे. त्यांच्या या आरोपांमुळे राष्ट्रवादी काँग्रेसमधील अंतर्गत वाद चव्हाट्यावर आला आहे.

नऊ महिन्यांनंतर विलिनीकरणाची चर्चा का? रुपाली पाटील ठोंबरेंचा सवाल

रुपाली पाटील ठोंबरे यांनी विलिनीकरणाच्या चर्चेवर प्रश्न उपस्थित करताना म्हटले की, अजित पवार यांच्या निधनानंतर या चर्चांना नकार का देण्यात आला? आता तब्बल नऊ महिन्यांनंतर सुनील तटकरे यांना विलिनीकरणाची चर्चा करण्याची गरज का वाटली?

‘भाजपसोबत बोलून मंत्रिपदासाठी हे सर्व सुरू आहे का?’

पुढे बोलताना रुपाली पाटील ठोंबरे म्हणाल्या, “भाजपसोबत बोलून मंत्रिपदासाठी या सर्व गोष्टी होत आहेत का? झारीतले शुक्राचार्य यांनी जाणीवपूर्वक अजितदादांनाही त्रास दिला. सुनेत्रा वहिनींनाही त्रास देतात. पार्थदादांनाही त्रास देतात. जय पवार यांनाही त्रास दिला जात आहे. या लोकांचा भंडाफोड होणे गरजेचे आहे.” तसेच ‘झारीतले शुक्राचार्य हे सुनील तटकरे आहेत,’ असा थेट आरोपही त्यांनी केला.

Pune : केरळचे अरुण लाल यांना यंदाचा तन्वीर नाट्यधर्मी पुरस्कार जाहीर