Anupam Kher : ज्येष्ठ अभिनेते अनुपम खेर यांनी त्यांच्या अभिनय कारकिर्दीच्या सुरुवातीच्या दिवसांच्या आठवणींना उजाळा देत एक भावूक पोस्ट सोशल मीडियावर शेअर केली आहे. १९८१ साली मुंबईत आल्यानंतरच्या त्यांच्या पहिल्या पोर्टफोलिओमधील काही फोटो पोस्ट करत त्यांनी संघर्ष, आत्मविश्वास आणि स्वप्नांच्या प्रवासाविषयी मनमोकळेपणाने भाष्य केले आहे.   (Anupam Kher)

इन्स्टाग्रामवर फोटो शेअर करत अनुपम खेर यांनी लिहिले, “१९८१ मध्ये मी पहिल्यांदा मुंबईत आलो तेव्हा शिमल्यातील २५ वर्षांचा एक तरुण होतो. हातात स्वप्नांनी भरलेली सुटकेस आणि मनात प्रचंड आत्मविश्वास घेऊन मी या शहरात पाऊल ठेवलं होतं. या शहरात आल्यावर मी समुद्रातील एका छोट्या थेंबासारखा वाटत होतो. प्रत्येक व्यक्ती माझ्यापेक्षा अधिक आत्मविश्वासपूर्ण वाटायची आणि प्रत्येक रस्ता माझ्यापेक्षा वेगाने धावत असल्याचा भास व्हायचा.” असं सांगत त्यांनी मुंबईमधील सुरुवातीच्या दिवसांची आठवण काढली.

याच पोस्टमध्ये अनुपम खेर  (Anupam Kher ) यांनी केसगळतीच्या समस्येमुळे आलेल्या असुरक्षिततेचाही उल्लेख केला. “मला भीती वाटायची की लोक माझ्या अभिनयापेक्षा आधी माझ्या केसांकडे पाहतील. मात्र, मी स्वतःला नेहमी आठवण करून द्यायचो की माझ्याकडे प्रतिभा आहे. नॅशनल स्कूल ऑफ ड्रामाने मला आत्मविश्वास दिला आणि आयुष्याने संघर्ष करण्याची जिद्द दिली,” असे त्यांनी नमूद केले.   (Anupam Kher )

These are photographs from the very first portfolio I shot after arriving in Mumbai in 1981. I was 25 years old. A young man from Shimla with a suitcase full of dreams and a heart full of belief.
The city was enormous. It could make you feel like a tiny drop in a vast ocean.… pic.twitter.com/eIAifHCe3g

— Anupam Kher (@AnupamPKher) July 24, 2026

आज अनेक दिग्गज कलाकारांच्या यादीत ज्येष्ठ अभिनेते अनुपम खेर यांचे नाव घेतले जाते. या यशाबद्दल बोलताना अनुपम खेर म्हणाले, “लोक मला नेहमी विचारतात की, यश मिळेल याची खात्री होती का? खरं सांगायचं तर मला त्याची खात्री नव्हती. पण एक गोष्ट निश्चित होती. मी प्रयत्न करणे कधीच थांबवणार नव्हतो. स्वप्नं केवळ पाहून पूर्ण होत नाहीत; त्यासाठी दररोज मेहनत, चिकाटी आणि भीतीवर मात करण्याची तयारी लागते.”   (Anupam Kher )

या पोस्टच्या शेवटी त्यांनी चाहत्यांना प्रेरणादायी संदेश दिला. “जर तुम्हाला तुमच्या स्वप्नांवर खरोखर विश्वास असेल, तर एक दिवस तुमची स्वप्नंही तुमच्यावर विश्वास ठेवू लागतात. आज हे फोटो पाहताना मला संघर्ष करणारा अभिनेता दिसत नाही, तर असा तरुण दिसतो ज्याने कधीही आपल्या स्वप्नांशी तडजोड केली नाही. त्या २५ वर्षांच्या स्वतःला मी आज फक्त एकच गोष्ट सांगू इच्छितो हार न मानल्याबद्दल धन्यवाद.”   (Anupam Kher )

Raj Thackeray : “शिक्षकांनी विद्यार्थ्यांना मारलं तर त्यांच्यावर कारवाई होते, तर मग पोलिसांवर…”; राज ठाकरेंचा सवाल