हास्यजत्रा हा संपूर्ण महाराष्ट्राचा फेव्हरेट मराठी कार्यक्रम आहे. या भन्नाट कॅामेडी शोमधले सगळेच कलाकार त्यांच्या अभिनयाच्या जोरावर प्रेक्षकांना खळखळून हसवतात. अल्पावधीतच या कॅामेडी शोने प्रेक्षकांच्या मनावार अधिराज्य केले आहे. या शोमधील कलाकारांना देखील प्रेक्षकांची मोठी पसंती मिळत आहे. त्यांनी साकारलेले कॅरेक्टर आणि त्यांचे डॅायलॅाग प्रेक्षकांना पाठ झाले आहेत.

या कॅामेडी शोमधील कलाकारांच्या खाजगी आयुष्याबद्दल बऱ्यापैकी चाहत्यांना माहित आहे. पण यातील एक कलाकार इशा डे हिच्या आडवारून अनेकांच्या मनात डे आडनाव बंगाली किंवा खिश्चिनामध्ये असते. यामुळे इशा ही बंगाली किंवा ख्रिश्चन असू शकते असे अनेकांना वाटत असणार. मात्र तसेच नाही. या आडनावामागचे कारण इशाने सांगितले आहे.

इशाच्या अभिनयाला प्रेक्षक भरभरून दाद देतात. इशाच्या कॅामेडीपासून तिच्या नावाबद्दल बरीच चर्चा होताना दिसते. इशा तिचे आडनाव डे असे लावत असल्याने हा प्रश्न अनेकांना पडलेला आहे. या प्रश्नाचे उत्तर इशाने एका मुलाखतीमध्ये देऊन तिच्या आडनावामागचा भन्नाट किस्सा सांगितला आहे. मूळात तिचे आडनाव डे नसून वडनेरकर असल्याचे इशाने मुलाखती दरम्यान सांगितले आहे.

…आणि डे आडनाव लागलं

माझं आडनाव वडनेकर असे आहे. मी इशा वडनेकर. मी लंडनला स्कूल अॅाफ ड्रामात शिकायला होते. तेव्हा तिथे अॅाडिशन द्यायला जायचे त्यात १५ मिनिटांचा तो स्लॅाट असायचा. आपले उच्चार आणि त्यांचे उच्चार फार वेगळे आहेत. मी माझं नाव सांगितल्यानंतर तिथल्या लोकांना ते कळायच नाही. तिथे व आणि व, W आणि D चे उच्चार वेगळा केला जातो. माझ्या नावाचा उच्चार करताना ५ मिनिटं जायची. त्यांनी मला सल्ला दिला की तुझं नाव सोप ठेव. त्यामुळे मी अगदी सहज ईशा डे हे छान साऊंड झालं आणि ईशा डे हे नाव दिल असल्याचे तिने सांगितले.