Amritpal Singh ।  पंजाबमधील खदूर साहिबचे खासदार अमृतपाल सिंग यांच्या अडचणी आणखी वाढताना दिसत आहेत. अशा परिस्थितीत त्यांनी पंजाब-हरियाणा उच्च न्यायालयाचे दरवाजे ठोठावले आहेत. अमृतपाल सिंह यांनी लोकसभा अधिवेशनात सहभागी होण्याची परवानगी मागणारी याचिका दाखल केली आहे. तुरुंगात असल्याने ते संसदेत सहभागी होऊ शकत नाहीत आणि त्यांना संसदीय कामकाजात अनुपस्थित राहण्यास भाग पाडले जात आहे,”असे त्यांनी याचिकेत म्हटले आहे.

अमृतपाल सिंह यांनी आपल्या याचिकेत, यामागील दुर्भावनापूर्ण हेतू ,त्यांच्या मतदारसंघाचे प्रतिनिधित्व वंचित ठेवणे आणि ६० दिवसांच्या अनुपस्थितीनंतर त्यांची जागा रिक्त घोषित करणे हा असल्याचे म्हटले आहे. वृत्तानुसार, खासदाराने त्यांच्या याचिकेत असा युक्तिवाद केला आहे की लोकसभा महासचिवांनी जारी केलेल्या समन्सनुसार त्यांची उपस्थिती आवश्यक आहे आणि त्यांची अनुपस्थिती त्यांच्या संवैधानिक अधिकारांचे उल्लंघन आहे.

अमृतपाल सिंह यांनी केला मोठा आरोप Amritpal Singh । 

अमृतपाल सिंग यांनी आरोप केला की,त्यांना जाणूनबुजून संसदेत जाण्यापासून रोखले जात आहे. जेणेकरून त्यांचा मतदारसंघ खादूर साहिब प्रतिनिधित्वाविना राहील आणि शेवटी त्यांची जागा रिक्त घोषित केली जाईल. “, ज्यामुळे केवळ त्यांनाच नाही तर त्यांच्या जागेवरील सुमारे १९ लाख मतदारांवर परिणाम होईल.” असा दावा यावेळी त्यांनी केला आहे.

नियमांनुसार, जर अमृतपाल सिंह लोकसभेच्या कामकाजात ६० दिवस अनुपस्थित राहिले तर त्यांचे सदस्यत्व रद्द केले जाऊ शकते. खासदाराने असा युक्तिवाद केला की ते ४६ दिवसांपासून लोकसभेच्या कामकाजात सहभागी होऊ शकले नाहीत. यासोबतच, त्यांनी केंद्र सरकारच्या मंत्र्यांसोबत बैठक घेण्याची परवानगीही मागितली आहे, जेणेकरून ते त्यांच्या संसदीय मतदारसंघातील समस्या आणि विकासाच्या मुद्द्यांवर चर्चा करू शकतील.

अमृतपाल सिंग दिब्रुगड तुरुंगात
तुरुंगात बंद आहे. त्यांचे वडील तरसेम सिंग यांनी काही महिन्यांपूर्वी एका नवीन पक्षाची घोषणा केली होती, ज्याचे प्रमुख अमृतपाल सिंग यांना बनवण्यात आले आहे. पक्षाचे नाव ‘अकाली दल वारिस पंजाब दे’ असे ठेवण्यात आले आहे. याआधी अमृतपाल सिंग वारिस पंजाब दे संघटना चालवत होते.

हेही वाचा
दिल्लीचा फॉर्म्युला पश्चिम बंगालमध्ये यशस्वी ठरणार? ममता बॅनर्जी यांच्याविरोधात भाजपची ब्लूप्रिंट तयार
“घाणेरडं पाणी प्यायला लावलं… तासभर केली मारहाण” ; केरळमध्ये भयानक रॅगिंग, ७ सिनियर विद्यार्थी निलंबित