देशविरोधी व्हायरल व्हिडिओ अन् कंटेंट होणार ब्लॉक ; सरकार आणणार राष्ट्रीय धोरण, गृह मंत्रालयाच्या हालचाली
AMIT SHAH । केंद्र सरकार सोशल मीडियावर देशाविरुद्ध द्वेष पसरवणाऱ्यांवर कारवाई करणार आहे. सोशल मीडियावर देशविरोधी व्हिडिओ किंवा पोस्ट शेअर करणारे लोक आता सुटू शकणार नाहीत. समोर आलेल्या माहितीनुसार, “केंद्रीय गृह मंत्रालय यासाठी धोरण आणण्याची तयारी करत आहे. देशविरोधी काम करणाऱ्या सोशल मीडिया हँडलना ब्लॉक केले जाईल आणि त्यांच्यावर कडक कारवाई करण्यात येणार असल्याचे सांगण्यात येत आहे.
सोशल मीडियासह अनेक वेबसाइटवर देशाविरुद्ध कंटेंट अपलोड केला जातो. लवकरच असे करणाऱ्यांवर कारवाई करण्यात येणार आहे. सोशल मीडियाबाबत नवीन धोरण तयार केले जात आहे. प्राप्त माहितीनुसार, गुप्तचर संस्थांच्या उच्च अधिकाऱ्यांनी गृह मंत्रालयाच्या संसदीय समितीला याबद्दल माहिती दिली.
देखरेखीसाठी विशेष पथक तयार करणार AMIT SHAH ।
संसदीय समितीला असेही सांगण्यात आले की, सोशल मीडियावरील देशविरोधी लोकांवर लक्ष ठेवण्यासाठी एक विशेष पथक तयार केले जाईल. अशा लोकांना ओळखले जाईल आणि त्यांच्यावर कठोर कारवाई केली जाईल. खलिस्तानी फुटीरतावादी दहशतवादी गुरपतवंत सिंग पन्नूसह इतर अनेक देशविरोधी लोक सोशल मीडियावर सक्रिय आहेत आणि ते द्वेष पसरवत आहेत. नवीन धोरण आल्यानंतर अशा लोकांवर अंकुश लावला जाईल.
सोशल मीडिया कंपन्यांशीही चर्चा सुरू AMIT SHAH ।
याबाबत अमेरिकन सरकार आणि सोशल मीडिया प्लॅटफॉर्मशीही चर्चा सुरू आहे. केंद्र सरकारला वाटते की सोशल मीडिया कंपन्यांनी त्यांच्या पातळीवर भारतविरोधी घटक त्यांच्या प्लॅटफॉर्मवर अपलोड केले जात नाहीत यावर लक्ष ठेवावे. सीबीआय, एनआयए, राज्य पोलिस आणि अंतर्गत सुरक्षेशी संबंधित इतर एजन्सी भारतविरोधी घटकांच्या प्रयत्नांना रोखण्यासाठी एक रणनीती तयार करत आहेत, जी लवकरच अंमलात आणता येईल.
