Ambadas Danve : महाराष्ट्रातील दुष्काळ हाताळणीवरून ठाकरेसेना नेते अंबादास दानवे यांनी राज्य सरकारवर टीका केली आहे. राज्यात केवळ पाणीटंचाईच नाही, तर सरकारमध्ये बुद्धिमत्ता आणि संवेदनशीलतेचाही दुष्काळ असल्याचे त्यांनी म्हटले. (Ambadas Danve)

एक्सवरील एका पोस्टमध्ये दानवे यांनी म्हटले की, राज्य सरकार दिवाळीपूर्वी प्राथमिक मदत म्हणून ५,००० रुपये देत आहे, तर मंत्रालयातील खिडक्यांच्या पडद्यांचा खर्च १०,००० रुपये इतका आहे. सरकारमध्ये बुद्धिमत्ता आणि संवेदनशीलतेचाही दुष्काळ आहे. महाराष्ट्रातील अनेक भाग, विशेषतः विदर्भ आणि मराठवाडा भीषण दुष्काळाच्या छायेत आहेत, असे त्यांनी म्हटले. (Ambadas Danve)

एकनाथ शिंदे दुष्काळग्रस्त शेतकऱ्यांसोबत साजरी करणार दिवाळी

उपमुख्यमंत्री एकनाथ शिंदे उद्या जालना जिल्ह्यातील दुष्काळग्रस्त भागाचा दौरा करणार आहेत. दुष्काळाचा सामना करणाऱ्या शेतकऱ्यांसोबत ते दिवाळी साजरी करणार आहेत. यावेळी दुष्काळग्रस्त शेतकऱ्यांना मदतही केली जाणार असल्याची माहिती आहे. राज्यातील इतर मंत्रीदेखील दुष्काळग्रस्त भागात जाऊन शेतकऱ्यांसोबत दिवाळी साजरी करणार आहेत. (Ambadas Danve)