Amar Preet Singh : जर प्रक्रिया नियोजित वेळेनुसार पुढे गेली, तर भारत चालू आर्थिक वर्षाच्या अखेरीस बहु-उद्देशीय लढाऊ विमानांच्या बहुप्रतिक्षित कराराला अंतिम रूप देण्याची अपेक्षा करत आहे, असे हवाई दल प्रमुख एअर चीफ मार्शल अमरप्रित सिंग (Amar Preet Singh) यांनी शनिवारी सांगितले.

आपल्या आतापर्यंतच्या सर्वात मोठ्या संरक्षण खरेदी कार्यक्रमांतर्गत, भारताने फेब्रुवारीमध्ये फ्रान्सकडून ११४ राफेल लढाऊ विमाने खरेदी करण्याच्या दीर्घकाळापासून प्रलंबित असलेल्या प्रस्तावाला मंजुरी दिली. भारतीय हवाई दलाची लढाऊ क्षमता (Amar Preet Singh) बळकट करण्यासाठी ही योजना सर्वप्रथम सुरू झाल्यानंतर जवळपास दोन दशकांनी हे पाऊल उचलण्यात आले आहे. या प्रकल्पाशी संबंधित किंमतीबाबतची वाटाघाटी आणि इतर महत्त्वाच्या मुद्द्यांवर सध्या काम सुरू आहे.

‘हवाई दल दिनाच्या पार्श्वभूमीवर आयोजित पत्रकार परिषदेत बोलताना अमरप्रित सिंग यांनी असेही सांगितले की, जर ॲडव्हान्स्ड मीडियम कॉम्बॅट एअरक्राफ्ट कार्यक्रमास विलंब झाला, तर हवाई दलाला खरेदीसाठी दुसऱ्या पर्यायाचा विचार करावा लागू शकतो. रशियाने आम्हाला एसयु-७ विमानांची ऑफर दिली आहे, परंतु त्याबाबत अद्याप कोणताही निर्णय घेण्यात आलेला नाही.

लढाऊ स्क्वॉड्रन्सची कमी होत चाललेली संख्या कमी असून हवाई दलाला पुढील काही वर्षांत दरवर्षी किमान ३६ ते ४० विमानांची गरज आहे. हवाई दल प्रमुखांनी (Amar Preet Singh) भारतातच लढाऊ विमानाचे इंजिन तयार करण्याच्या गरजेवरही भर दिला.