मुंबई – बॉलीवूडचा ‘द अमर अश्वत्थामा’ हा असा एक  प्रोजेक्ट आहे जो बर्याच काळापासून चर्चेत आहे आणि अंतिम घोषणा कधी होईल आणि मुख्य भूमिकेच्या नावाची घोषणा केली जाईल याची लोक वाट पाहत आहेत.

यावेळी अल्लू अर्जुनबद्दलही एक बातमी येत असून त्यानेही हा सायन्स फिक्शन बॉलीवूड चित्रपट नाकारल्याची माहिती समोर आली आहे अल्लू अर्जुनने चित्रपट करण्यास नकार दिला असून तो कोणत्याही प्रकारचा धोका पत्करू इच्छित नसल्याचे बोलले जात आहे.

रिपोर्टनुसार, ‘अल्लू अर्जुन पहिल्यापासूनच हा प्रोजेक्ट साईन करण्याबाबत संकोच करत होता. मात्र, तरीही त्यांनी विचार करून निर्णय घेण्यास वेळ दिला. पुष्पाच्या यशानंतर, अल्लू अर्जुन एक मोठे नाव बनले आणि लोक त्याला आता संपूर्ण भारतातील स्टार मानतात.’  यामुळे तो आता कोणत्याही प्रकारच्या स्क्रिप्टच्या निवडीबाबत कमालीचा सावध झाला आहे. त्याला पुष्पा नंतर मिळालेले यश कोणत्याही स्क्रिप्ट किंवा चित्रपटामुळे धोक्यात येण्याची इच्छा नाही. याच कारणामुळे तो चित्रपटातून बाहेर पडला.