आळंदी – Alandi Kartiki Yatra 2024: कार्तिकी एकादशी (आळंदी यात्रा) आणि श्री संत श्रेष्ठ ज्ञानेश्वर महाराज यांच्या 728व्या संजीवन समाधी सोहळ्याला उद्यापासून (दि. 23) सुरुवात होत आहे. या पार्श्वभूमीवर आळंदीत मोठ्या संख्येने वारकरी दाखल होत आहेत. ठिकठिकाणी हरिनाम सप्ताहांना सुरुवात झाली आहे. या सोहळ्यासाठी लाखो वारकरी आळंदीत मुक्कामी असतात. या वारकऱ्यांना आवश्यक सर्व सोयी सुविधा उपलब्धतेसाठी आळंदी प्रशासन सज्ज झाले आहे, अशी माहिती आळंदी नगरपरिषदेचे मुख्याधिकारी कैलास केंद्रे यांनी दिली.

आळंदी नगरपरिषदेमार्फत वारकऱ्यांसाठी उपलब्ध सोयिसुविधा –

पाणीपुरवठा:

वारकऱ्यांसाठी पिण्याच्या पाण्याची व्यवस्था करण्याकरिता पालिके मार्फत एकूण 15 टँकर्स तैनात केली जाणार असून या सर्व टँकर्सच्या पाणी पुरवठा करिता विकेंद्रितपने 5 फिलिंग पॉइंट्स निश्चित केली आहेत.

स्वच्छता:

-वारी कालावधीत दिवसा असणारी गर्दी लक्षात घेऊन पालिके मार्फत रात्रीच्या वेळीच स्वच्छता करून घेण्याचे नियोजन केले आहे.

-साधारणपणे 800 फिरते शौचालयांची उभारणी सुरू झाली असून त्यांना स्वतंत्र 10 टँकर्स द्वारे मुबलक प्रमाणात पाणीपुरवठा व 10 सक्शन मशीन द्वारे मैला उपसा करून यांच्या स्वच्छतेवर विशेष भर असणार आहे. उपसा केलेल्या मैला वर चारोली येथील येस.टी.पी वर शास्त्रोक्त पद्धतीने प्रक्रिया केली जाणार आहे.

-” स्वच्छता वॉरियर्स ” या उपक्रमा अंतर्गत कॉलेजच्या विद्यार्थ्या मार्फत वारी काळात सेवा उपलब्ध करून घेवून प्रमुख रस्त्यांवर आणि इंद्रायणी घाटावर पडणारा कचरा तत्काळ उचलून घेण्याचे नियोजन पालिके प्रशासनाने केले आहे.

दिवाबत्ती:

-शहरातील महत्वाच्या १८ ठिकाणच्या हायमास्ट लाईट पोलची पालिके मार्फत दुरुस्ती करण्यात आली असून घाटावर एक नवीन मिनी हाय मास्टची उभारणी करण्यात आली आहे.

-मोबाईल टॉयलेट्स च्या सर्व ठिकाणांवर पुरेसा प्रकाश राहील याचे नियोजन केले आहे असून शहरातील सर्व स्ट्रीट लाईट कंट्रोल पॅनल ची दुरुस्ती केली आहे.

बांधकाम विभाग –

-शहरात पोलीस विभागासाठी आवश्यक असणाऱ्या 20 वॉच टॉवर,12 मदत कक्ष,आरोग्य विभागासाठी 8 वैद्यकीय मदत कक्षांची पालिके मार्फत उभारणी करण्यात आली आहे. या ठिकाणी सूचना देण्याची सोयही उपलब्ध केली आहे.

– इंद्रायणी नदी घाटावर महिलांसाठी चेंजींग रूम्स उभारल्या आहेत. भाविकांना सूचना देण्यासाठी आपत्ती व्यवस्थापन कक्षाची उभारणी केली आहे.

CCTV यंत्रणा: –

पोलिस विभागास चोरीच्या घटनांवर लक्ष ठेवणे सोपे व्हावे यासाठी पालिके मार्फत शहरात 60 ठिकाणी एकूण 150 CCTV camera बसविण्यात आले आहेत आणि यांची कंट्रोल रूम आळंदी पोलीस स्टेशन कार्यालयात असणार आहे. यामुळे चोरीच्या घटना टाळण्यात पोलीस यंत्रणेस मदत होणार आहे.

आपत्ती व्यवस्थापन:-

– आळंदी नगरपरिषद, पिंपरी चिंचवड महानगरपालिका, PMRDA यांच्या मिळून एकूण 3 अग्निशमन दलाच्या गाड्या वारी कालावधीत तैनात असणार आहेत.

– नदी पात्रात कुणीही बुडू नये यासाठी एकूण 3 रेस्क्यू बोट तैनात आहेत. आळंदी नगरपरिषद चे अग्निशमन विभागाचे जवान NDRF च्या 25 जणांच्या पथकासह घाटावर तैनात असणार आहेत.

धरणातून पाण्याचा विसर्ग:-

संजीवन समाधी सोहळ्याकरीता पुणे पाटबंधारे विभागामार्फत आंद्रा व जाधववाडी धरणातून पाण्याचा विसर्ग वाढवून एकत्रित 250 क्युसेक पाण्याचा विसर्ग इंद्रायणी नदीमध्ये सोडण्यात आला आहे.

वारीसाठी तैनात आळंदी नगरपरिषद यंत्रणा:-

-20 अधिकारी
-200 कर्मचारी
-100 स्वयंसेवक
-15 टँकर्स (पिण्याच्या पाण्यासाठी)
-10 टँकर्स ( फिरते टॉयलेट्स ना पाणीपुरवठा)
-10 सक्शन मशीन
-15 घंटागाड्या
-8 ट्रॅक्टर
-3 कॉम्पॅटर
-2 टोइंग मशिन्स
-1 रस्ता सफाई मशीन
-1 चेंबर सफाई मशीन
-3 अग्निशमन वाहने
-3 रेसक्यू बोट

नियत्रंण कक्षाची स्थापना: –

वारी काळात भाविकांना तात्काळ मदत पुरविणे शक्य व्हावे यासाठी पोलिस विभाग, ग्रामीण रुग्णालय,MSEB यांच्यासह सर्व प्रमुख विभागांच्या अधिकाऱ्यांचा समावेश असणाऱ्या “नियंत्रण कक्षाची” स्थापना आळंदी नगरपरिषद कार्यालयात मुख्याधिकारी यांचे आदेशान्वये करण्यात आली आहे.