बॉलिवूड अभिनेता अक्षय कुमार लोकांमध्ये खूप प्रसिद्ध आहे.त्याने चित्रपटसृष्टीला अनेक हिट चित्रपट दिले. नुकताच त्याचा ‘बडे मियाँ छोटे मियाँ’ हा चित्रपट प्रदर्शित झाला. हा चित्रपट बॉक्स ऑफिसवर कमाल दाखवू शकला नाही.

तरीही अक्षयचा प्रत्येक चित्रपटातील अभिनय चाहत्यांना आवडतो. अक्षय सतत चित्रपट करत असतो. अक्षय कुमारने दिवंगत सुपरस्टार राजेश खन्ना यांची मुलगी ट्विंकल खन्नासोबत लग्न केले आहे. त्यांना आरव आणि नितारा ही दोन मुले आहे. नुकतेच या अभिनेत्याने आपल्या कुटुंबाबद्दल खुलेपणाने संगीतले आहे. यादरम्यान अक्षयने पत्नी ट्विंकल खन्नाचे कौतुक केले. लंडनमध्ये घालवलेले दिवसही आठवले आहे.

एका मुलाखतीत अक्षय म्हणाला, ‘माझ्या मुलीची बुद्धिमत्ता माझी पत्नी ट्विंकल हिच्याशी जुळते. मी एक अशिक्षित माणूस आहे, जास्त शिकलेला नाही. मी गाढवा म्हणून काम करतो, पण तिला मेंदू आहे.” अक्षय पुढे ट्विंकलबद्दल म्हणाला, “मी खूप भाग्यवान आहे की मी सुपरस्टार राजेश खन्ना यांच्या मुलीशी लग्न केले, पण मी त्याहूनही नशीबवान आहे कारण ट्विंकल खूप प्रेमळ पत्नी आहे आणि एक प्रेमळ आई आहे.

तुम्हाला आयुष्यात योग्य जोडीदार मिळाला तर तुमचे आयुष्य परिपूर्ण होते. मी कामावर जातो, ट्विंकलने मुलांना खूप चांगले वाढवले आहे. ती आता 50 वर्षांची आहे आणि ती अजूनही अभ्यास करते. ट्विंकलने नुकतीच पदव्युत्तर पदवी पूर्ण केली आहे आणि ती आता पीएचडी करत आहे.’ असेही त्याने कौतुक करतांना सांगितले. अक्षय कुमार आणि अर्शद वारसी लवकरच ‘जॉली एलएलबी 3’ या चित्रपटात दिसणार आहेत. चित्रपटाचे शूटिंग राजस्थानमध्ये पूर्ण झाले आहे.