Akshay Khanna : ‘दृश्यम २’, ‘छावा’, ‘धुरंधर’ आणि ‘इक्का’ यांसारख्या चित्रपटांमधून प्रेक्षकांचे लक्ष वेधून घेतल्यानंतर आता अभिनेता अक्षय खन्ना एका वेगळ्या आणि आव्हानात्मक भूमिकेत प्रेक्षकांच्या भेटीला येणार आहे.

आगामी पौराणिक महाकाली या चित्रपटामधून अक्षय खन्ना शुक्राचार्य यांच्या भूमिकेत झळकणार आहे. गेल्या काही दिवसांपासून या चित्रपटाची जोरदार चर्चा होती. चित्रपटाचे पहिले पोस्टर समोर आल्यानंतर चाहत्यांमध्ये चित्रपटाविषयी मोठी उत्सुकता निर्माण झाली होती. आता या चित्रपटाविषयी एक महत्वाची अपडेट समोर आली आहे.

या बहुप्रतिक्षित चित्रपटाची पहिली झलक २४ ऑगस्ट रोजी प्रदर्शित होणार आहे. दिग्दर्शक प्रशांत वर्मा आणि आरकेडी स्टुडिओजकडून सोशल मीडियावर यासंदर्भात एक पोस्ट शेअर करण्यात आली आहे. या पोस्टमध्ये ‘२४ ऑगस्ट – अंताची सुरुवात’ असा उल्लेख करण्यात आला आहे. त्यामुळे याच दिवशी चित्रपटाची पहिली झलक रिलीज होणार असल्याची चर्चा आहे.

‘महाकाली’मध्ये अक्षय खन्ना पौराणिक कथांमधील राक्षसांचे गुरू आणि शक्तिशाली विद्वान शुक्राचार्य यांची भूमिका साकारताना दिसणार आहे. या चित्रपटाचे पहिले पोस्टर समोर आल्यानंतर त्याचा अनोखा अवतार पाहून या व्यक्तीरेखेत तोच आहे का? असा प्रश्न चाहत्यांना सुरुवातीला पडला होता.

‘महाकाली’ हा चित्रपट प्रशांत वर्मा यांच्या महत्त्वाकांक्षी सिनेमॅटिक युनिव्हर्सचा भाग आहे. ‘हनुमान’ या चित्रपटापासून या युनिव्हर्सची सुरुवात झाली असून, भारतीय पौराणिक कथांना आधुनिक व्हिज्युअल इफेक्ट्स आणि भव्य सिनेमॅटिक शैलीची जोड देण्याचा प्रयत्न या प्रोजेक्ट्समधून केला जात आहे. ‘जय हनुमान’ आणि ‘अधीरा’नंतर ‘महाकाली’ या युनिव्हर्समध्ये आणखी एक नवा अध्याय असणार आहे.

२४  अॅागस्टची उत्सुकता

पूजा कोल्लुरू या चित्रपटाचे दिग्दर्शन करत असून आर. के. दुग्गल आणि रिवाज रमेश दुग्गल यांनी निर्मिती केली आहे. अक्षय खन्नासोबत भूमी शेट्टी आणि रोहित सराफ यांच्याही महत्त्वाच्या भूमिका आहेत. आता २४ ऑगस्ट रोजी समोर येणाऱ्या चित्रपटाच्या झलकमध्ये अक्षय खन्नाचा शुक्राचार्य अवतार नेमका कसा असेल, याकडे चाहत्यांचे लक्ष लागले आहे.

Pune News : मनातील नकारात्मकतेचा विषारी विचार दूर करा आणि आनंदी जीवन जगा : डॉ. बी. के. शक्तीराज