Akhilesh Yadav ।  उत्तर प्रदेशात समाजवादी पक्षाने बंडखोर आमदारांवर मोठी कारवाई करत तीन आमदारांना बाहेरचा रस्ता दाखवला आहे. पक्षविरोधी कारवाया केल्याचे कारण देत पक्षाने अभय सिंह, राकेश प्रताप सिंह आणि मनोज कुमार पांडे या तीन आमदारांची पक्षातून हकालपट्टी केली आहे. गेल्या वर्षी झालेल्या राज्यसभा निवडणुकीदरम्यान त्यांनी क्रॉस व्होटिंगद्वारे भाजप उमेदवारांना पाठिंबा दिला होता, त्यानंतर आता पक्षाने ही कारवाई केली असल्याचे सांगण्यात येत आहे.

समाजवादी पक्षाने गोसाईगंज याठिकाणी आमदार अभय सिंह, गौरीगंज येथील राकेश प्रताप सिंह आणि उंचाहार मतदारसंघातील मनोज कुमार पांडे यांना पक्षातून काढून टाकले आहे. या तीन आमदारांना पक्षाने बाहेरचा रस्ता दाखवला आहे आणि पक्षाने हे स्पष्ट केले आहे. पक्षाच्या मूलभूत विचारसरणीशी तडजोड करणाऱ्यांवर कठोर कारवाई केली जाईल. पक्षाने त्यांना सुधारण्याची संधीही दिली पण त्यांच्या वर्तनात कोणताही बदल न झाल्याने समाजवादी पक्षाने त्यांना पक्षातून काढून टाकण्याचा निर्णय घेतला असल्याचे म्हटले जात आहे.

  पक्षाने ‘या’ तीन आमदारांना बाहेर काढले Akhilesh Yadav । 

समाजवादी पक्षाने सोशल मीडियावर या संदर्भात माहिती दिली आहे. पक्षाने म्हटले आहे की, ‘समाजवादी सौहार्दपूर्ण सकारात्मक विचारसरणीच्या राजकारणाच्या विरुद्ध, जातीय विभाजनवादी नकारात्मकतेमुळे आणि शेतकरी, महिला, तरुण, व्यापारी, नोकरदार आणि ‘पीडीएविरोधी’ विचारसरणीला पाठिंबा देऊन, समाजवादी पक्ष सार्वजनिक हितासाठी खालील आमदारांना पक्षातून काढून टाकत आहे.

१. गोसाईगंजचे आमदार अभय सिंह

२. गौरीगंजचे आमदार राकेश प्रताप सिंह

३. आमदार उंचाहार मनोज कुमार पांडे

हृदयपरिवर्तनासाठी या लोकांना दिलेल्या ‘अनुग्रह कालावधी’ची मुदत आता पूर्ण झाली आहे, उर्वरित वेळ मर्यादा चांगल्या वर्तनामुळे शिल्लक आहे. भविष्यातही ‘जनविरोधी’ लोकांना पक्षात स्थान राहणार नाही आणि पक्षाच्या मूलभूत विचारसरणीच्या विरुद्ध असलेल्या कृती नेहमीच अक्षम्य मानल्या जातील. तुम्ही कुठेही असाल, विश्वासार्ह रहा.’ असेही पोस्टमध्ये म्हटले आहे.

गेल्या वर्षी राज्यसभा निवडणुकीदरम्यान समाजवादी पक्षाच्या आठ आमदारांनी क्रॉस व्होटिंग केले होते. ज्यामुळे एका सपाच्या उमेदवाराला पराभवाला सामोरे जावे लागले आणि संख्याबळ नसतानाही भाजपचा आठवा उमेदवार विजयी झाला. पक्षाने तीन आमदारांना पक्षातून काढून टाकले आहे तर पूजा पाल, राकेश पांडे, विनोद चतुर्वेदी, आशुतोष चतुर्वेदी आणि महाराजी देवी यांच्यावर कोणतीही कारवाई केलेली नाही. चांगल्या वर्तनामुळे त्यांना सोडून देण्यात आले आहे. Akhilesh Yadav ।

हेही वाचा
ज्याची भीती होती तेच झालं ! इराण-इस्रायल युद्धात अमेरिकेच्या एन्ट्रीने बाजार कोसळला ; बाजार उघडताच गडगडला