Ajit Pawar : राज्याचे उपमुख्यमंत्री अजित पवार यांचे आज बारामतीमध्ये विमान अपघातात निधन झाले. आज सकाळी बारामती दौऱ्यासाठी निघताना अजित पवार यांच्या विमानाचा लँडिंग होताना भीषण अपघात झाला. विमान लँडिग होतानाच अपघातग्रस्त झाले. त्यांच्या निधनाच्या बातमीने सर्वांनाच धक्का बसला आहे. दरम्यान , त्यांच्या निधनाची बातमी समजताच राज्य शासनाकडून आज नियोजित असलेले सर्व शासकीय कार्यक्रम तात्काळ रद्द करण्यात आले आहे. बदललेल्या परिस्थितीच्या पार्श्वभूमीवर हा निर्णय घेण्यात आला असून प्रशासन सतर्क अवस्थेत आहे. आमदार महेश लांडगे यांनी सोशल मीडियावर पोस्ट शेअर करत अजित पवारांचे जाणे धक्कादायक आहे, असं म्हंटलं आहे. “ही सकाळ सुन्न करणारी आहे ! राजकारणातल्या मोकळ्या ढाकळ्या नेत्याचं असं जाणं धक्कादायक आहे. प्रशासनावर असलेली पकड आणि मिश्किल – स्पष्ट स्वभाव यामुळे अजित दादा लोकप्रिय होते. घडलेली घटना अत्यंत दुर्दैवी आहे. दादा भावपूर्ण श्रद्धांजली ! अशी पोस्ट त्यांनी केली आहे. नेमकं काय घडलं? आज अजित पवार यांचा बारामती दौरा होता. या बारामती दौऱ्यासाठी आज सकाळी बारामतीसाठी त्यांनी प्रस्थान केलं होतं. बारामतीमध्ये विमान लाँडिंग होत असतानाच विमानामध्ये तांत्रिक बिघाड झाल्याने अपघातग्रस्त झाले. विमानामध्ये अजित पवार यांच्यासह पाच जण होते. त्या सर्वाचा मृत्यू झाला.