Ajit Pawar on Ram Shinde । विधान परिषदेच्या सभापतीपदासाठी महायुती तर्फे भाजपचे राम शिंदे यांची निवड करण्यात आली आहे. विधान परिषदेचे सभापतीपदी राम शिंदे यांची एकमताने निवड करण्यात आली. यानंतर राज्याचे मुख्यमंत्री देवेंद्र फडणवीस यांनी सभागृहाचे तसेच विरोधकांचे आभार मानले. दरम्यान , त्यांच्या निवडीवर उपमुख्यमंत्री एकनाथ शिंदे आणि अजित पवार यांनी देखील प्रतिक्रिया दिली.

“आपण दोघे शिंदे आहोत, त्यामुळे – एकनाथ शिंदे Ajit Pawar on Ram Shinde । 
तर उपमुख्यमंत्री एकनाथ शिंदे यांनीही सभापतीपदी राम शिंदेंची निवड झाल्यानंतर अभिनंदन केले. यावेळी ते म्हणाले, “आपण दोघे शिंदे आहोत, त्यामुळे काही अडचण नाही. रामभाऊ कुणावर अन्याय करणार नाहीत. सर्वांचे लाडके भाऊ ते आहेत. नावात राम आणि आडनावात शिंदे आहेत. त्यामुळे सर्वांच ऐकून घेतील. आणि काम पण करतील.” असा विश्वास यावेळी त्यांनी व्यक्त केला.

जे झालं ते चांगल झालं आपण सभापती झालात : अजित पवार Ajit Pawar on Ram Shinde । 
उपमुख्यमंत्री अजित पवार यांनी नवनिर्वाचित सभापतींच्या निवडीवर अभिनंदनपर भाषण केले. यावेळी ते म्हणाले, “या विधानसभेचे वैशिष्ट्य पाहील तर अनेक तरुण आमदार निवडून आले आहेत. विधानसभेचे अध्यक्ष देखील तरुण आहेत तर परिषदेत देखील तरुण सभापती बसवले आहेत. मुख्यमंत्र्यांनी आपल्याबद्दल सांगितलं मात्र आपण अजूनही चाळीशीत आहात, असेच वाटत आहे. मधल्या काळात राम शिंदे सर तुम्ही म्हणालात अजित पवारांनी माझा इथ सभा घेतली नाही. माझ्यामुळे पराभव झाला अस आपण बोललात. मात्र जे झालं ते चांगल झालं आपण सभापती झालात. कदाचित आपण निवडून आला असता आणि देवेंद्र फडणवीस यांच्या मनात तुम्हाला कॅबिनेट मंत्रिपद द्यावं वाटलं असतं तर गिरीशच मंत्रिपद गेलं असतं,” असा टोला त्यांनी यावेळी गिरीश महाजन यांना लगावला.

हेही वाचा
Ram Shinde: राम शिंदे यांची विधानपरिषद सभापतीपदी एकमताने निवड, विरोधकांचे आभार मानत फडणवीस म्हणाले…