Ajit Pawar in Beed । राज्यातील जिल्ह्यांचे पालकमंत्रीपद वाटप झाल्यानंतर उपमुख्यमंत्री अजित पवार आज  पहिल्यांदाच बीडमध्ये दाखल झाले आहेत. त्यांनी आज जिल्हा नियोजन समितीच्या बैठकीला हजेरी लावली.  दरम्यान अज सकाळी बीडमध्ये आल्यानंतर अजित पवार यांनी सर्वात आधी राष्ट्रवादीच्या पदाधिकाऱ्यांची बैठक घेतली. या बैठकीनंतर बोलताना अजित पवार यांन बीडमधील गुन्हेगारी, खंडणीसारखे प्रकार, पिस्तूलांची दहशद यासह विकास कामांवरही भाष्य केले. यावेळी अजित पवार यांनी, मी ज्यांना सहकार्य करतो त्यांनी मलाही सहकार्य करावे, मी काही साधू-संत नाही असे म्हटले आहे.

दरम्यान. मागच्या काही महिन्यांपासून मस्साजोगचे सरपंच संतोष देशमुख यांच्या निर्घृण हत्येमुळे बीड चर्चेत आले आहे. अशात देशमुख यांच्या हत्येमध्ये अन्न आणि नागरी पुरवठा मंत्री धनंजय मुंडे यांचे जवळचे सहकारी वाल्मिक कराड यांच्या हात असल्याचा आरोप विरोधकांसह सत्ताधारी पक्षांतील नेतेही करत आहेत. त्यामुळे अजित पवार यांचा हा बीड दौरा महत्त्वाचा असणार आहे.

मी काही साधू-संत नाही Ajit Pawar in Beed । 
बैठकीदरम्यान , विकास कामांबाबत बोलताना अजित पवार यांनी, “जी कामे माझ्या स्तरावर आहेत, ती मी करेन, पण जी कामे मुख्यमंत्र्यांचा स्तरावरील आहेत, ती मी मुख्यमंत्र्यांच्या कानावर घालेन. असे करताना मी स्थानिक लोक प्रतिनिधींनाही विश्वासत घेईन. मंत्रीमंडळात तुमच्या भागातील दोन सहकारी आहेत. एक धनंजय मुंडे आणि दुसऱ्या पंकजाताई. त्यांनाही आम्ही विश्वासात घेऊ. कामांमध्ये कोणताही भेदभाव केला जाणार नाही. पण मी जर भदेभाव करत नसेन, तर मी ज्यांची कामे करतोय त्यांनीही भेदभाव केला नाही पाहिजे. नाहीतर मी त्यांचे काम करणार आणि ते खाली तिसरेच काहीतरी करणार, असले मी खपवून घेणार नाही. मी सरळ सांगणार तुमचे हे दुटप्पी वागणे असेल तर मी काम करणार नाही. मी काही साधू-संत नाही. मी सरळ मार्गी आहे.”असे त्यांनी यावेळी म्हटले.

संतोष देशमुखांच्या हत्येत राष्ट्रवादीचा पदाधिकारी Ajit Pawar in Beed । 
अलिकडेच, संतोष देशमुख हत्येप्रकरणी केज तालुक्याचे राष्ट्रवादी काँग्रेसचे अध्यक्ष विष्णू चाटे याला अटक झाल्यानंतर अजित पवार यांनी बीडमधील राष्ट्रवादी काँग्रेसची कार्यकारिणी बरखास्त केली होती. दरम्यान, धनंजय मुंडे यांच्यावरही मंत्रीपदाचा राजीनामा देण्यासाठी दबाव वाढत आहे. पण अजित पवार यांनी जोपर्यंत कोणी दोषी अढणार नाही तोपर्यंत त्याच्यावर कारवाई होणार नसल्याचे अनेकवेळा म्हटले आहे.