Maharashtra Assembly Elections 2024 : राजकीय वर्तुळातून एक मोठी बातमी समोर आली आहे. “राष्ट्रवादी काँग्रेस – अजित पवार पक्षाचे नेते नवाब मलिक हे विधानसभा निवडणूक लढवण्यावर ठाम आहेत. नवाब मलिक हे शिवाजीनगर-मानखुर्द विधानसभेमधून अपक्ष किंवा राष्ट्रवादी काँग्रेस पक्षाकडून निवडणूक लढवण्यास इच्छुक आहेत. नवाब मलिका यांच्या या निर्णयामुळे राष्ट्रवादी अजित पवार गटाची डोकेदुखी वाढण्याची शक्यता आहे. दरम्यान या सर्व पार्श्वभूमीवर आज उपमुख्यमंत्री अजित पवार यांच्यासह राष्ट्रवादीचे नेते प्रफुल्ल पटेल आणि छगन भुजबळ यांनी नवाब मलिक यांची भेट घेतली. यावेळी त्यांच्यात बंद दाराआड चर्चा झाली. या बैठकीत नवाब मलिक यांना राष्ट्रवादीच्या वरिष्ठ नेत्यांकडून निवडणूक लढवू नका अशी विनंती करण्यात आली, पण तरी देखील नवाब मलिक हे निवडणूक लढवण्यावर ठाम आहेत. ‘या’ दिवशी भरणार अर्ज मी निवडणूक लढवण्यावर ठाम असून, मी निवडणूक लढणार, लढणार आणि लढणारच. 29 तारखेला उमेदवारी अर्ज भरणार असल्याचं मलिक यांनी म्हटलं आहे. नवाब मलिक हे शिवाजीनगर-मानखुर्द विधानसभेमधून आपला उमेदवारी अर्ज भरणार आहेत. नवाब मलिक यांच्या उमेदवारीला भाजपचा विरोध आहे. सना मलिक यांना उमेदवारी जाहीर नवाब मलिक यांची कन्या सना मलिक यांना “राष्ट्रवादी काँग्रेस – अजित पवार पक्षाकडून अणुशक्तीनगरमधून तिकीट देण्यात आले आहे. तरीदेखील नवाब मलिक हे शिवाजीनगर-मानखुर्द मतदारसंघातून निवडणूक लढवण्यास इच्छुक आहेत. नवाब मलिक यांच्या या निर्णयामुळे आता अजित पवार यांची डोकेदुखी वाढण्याची शक्यता आहे.
