Aishwarya Narkar |  अभिनेत्री ऐश्वर्या नारकर सध्या ‘सातव्या मुलीची सातवी मुलगी’ या मालिकेमध्ये पाहायला मिळत आहे. याशिवाय त्या सोशल मीडियावर देखील सक्रिय असतात. त्यांचे अविनाश नारकरासोबतचे रिल्स नेहमीच चर्चेत असतात. मात्र अनेकदा त्यांना ट्रोलिंगचाही सामना करावा लागतो. यावर त्या ट्रोलर्सला सडेतोड उत्तर देतानाही दिसतात.

ऐश्वर्या नारकरांनी नुकताच इन्स्टाग्राम स्टोरीवर एक स्क्रीनशॉट शेअर केला आहे. ज्यात त्यांनी एका नेटकऱ्याला  खडेबोल सुनावले आहे. एका युजरने त्यांना काही आक्षेपार्ह मेसेज केले होते. या सगळ्याचं स्क्रीन रेकॉर्डिंग अभिनेत्रीने इन्स्टाग्राम स्टोरीवर शेअर केलं आहे. यातील एका मेसेजमध्ये ‘आता म्हाताऱ्या झाला तुम्ही’, ’10 पोरांची अशक्तआई’, असं देखील नेटकऱ्याने म्हटलं आहे.  यानंतर अभिनेत्रीने संबंधित युजरला चांगलंच सुनावलं आहे.

 

View this post on Instagram

 

A post shared by Aishwarya Narkar (@aishwarya.narkar)

ऐश्वर्या नारकरांचे नेटकऱ्याला सडेतोड उत्तर

“प्रवास बघा आपला… डोक्यावर आपटत गेलात की काय… आपली लायकी काय… आपण बोलतो काय…” असं म्हणत ऐश्वर्या नारकरांनी या नेटकऱ्याला चांगलंच सुनावलं आहे. तसेच या पोस्टबरोबर अभिनेत्रीने आक्षेपार्ह मेसेज केल्याचं संपूर्ण स्क्रीन रेकॉर्डिंग देखील शेअर केले आहे.

दरम्यान, ऐश्वर्या नारकर या सध्या झी मराठी वाहिनीवरील ‘सातव्या मुलीची सातवी मुलगी’ या मालिकेत खलनायिकेची भूमिका साकारत आहेत. यात सध्या त्यांच्या शतग्रीवच्या पात्राला प्रेक्षकांची पसंती  मिळत आहे. तसेच ऐश्वर्या नारकर यांनी अनेक चित्रपट आणि मालिकांमध्ये काम करत मनोरंजन विश्वात मोठी लोकप्रियता मिळवली आहे.

हेही वाचा: 

ढाक्यात हिंसक संघर्ष ! सरकारी सल्लागाराला अटक केल्याने मोठा गदारोळ, पोलिसांचा जमावावर लाठीचार्ज