Air India flight glitch।  अहमदाबाद विमान अपघातानंतर एअर इंडियाच्या विमनाच्य ताणतरिक समस्यांच्या बातम्या रोज समोर येत आहेत. त्यात आता आणखी एका विमानात गडबड झाल्याचे सांगण्यात येत आहे. सॅन फ्रान्सिस्कोहून मुंबईला येणाऱ्या विमानाच्या इंजिनमध्ये बिघाड झाला. त्यामुळे मंगळवारी सकाळी विमान कोलकाता याठिकाणी आपत्कालिन परिस्थितीमध्ये उतरवण्यात आले.समोर आलेल्या माहितीनुसार, सर्व प्रवासी सुरक्षित आहेत. प्रवासी आणि केबिन क्रू यांना विमानातून उतरवण्यात आले आहे.

एअर इंडियाचे विमान AI180 कोलकाता मार्गे मुंबईला जात होते. हे विमान देखील बोईंग कंपनीचे होते. बोईंग 777-200LR वर्ल्डलाइनर हे विमान 17 जूनच्या रात्री कोलकाता येथे पोहोचले. ते पहाटे 2 वाजता मुंबईला रवाना होणार होते, परंतु इंजिनमध्ये तांत्रिक बिघाडामुळे टेकऑफला उशीर झाला. इंजिनमधील समस्या दूर न झाल्याने, सर्व प्रवाशांना पहाटे 5.20 वाजता विमानातून उतरवण्यात आले. एअर इंडियाचे विमान एआय १८० वेळापत्रकानुसार सॅन फ्रान्सिस्को विमानतळावरून निघाले. मंत्री , रात्री १२:४५ वाजता कोलकाता विमानतळावर पोहोचल्यानंतर डाव्या इंजिनमध्ये तांत्रिक बिघाड झाला. Air India flight glitch।

चार तासांहून अधिक काळानंतर, पहाटे ५:२० वाजता, सर्व प्रवाशांना विमानातून उतरण्यास सांगण्याची घोषणा करण्यात आली. विमानाच्या सुरक्षिततेच्या दृष्टीने हा निर्णय घेण्यात येत असल्याचे कॅप्टनने प्रवाशांना कळवले.  समोर आलेल्या व्हिडिओमध्ये, एअर इंडियाच्या विमानाचे डावे इंजिन कोलकाता विमानतळावर टार्मॅकवर उभे असल्याचे दिसून येते, ज्यामध्ये ग्राउंड स्टाफ परिसराची पाहणी करत आहे.

अहमदाबादमधील सरदार वल्लभभाई आंतरराष्ट्रीय विमानतळावरून लंडनच्या गॅटविक विमानतळावर जाणाऱ्या एअर इंडियाच्या AI-171 या विमानाने उड्डाण केल्यानंतर काही सेकंदातच बीजे मेडिकल कॉलेजच्या वसतिगृहाच्या इमारतीवर आदळून अपघात झाल्यानंतर पाच दिवसांनी हे घडले. अपघातग्रस्त एअर इंडियाच्या विमानात 230 प्रवासी, 10 केबिन क्रू सदस्य आणि दोन वैमानिक असे 242 लोक होते. विश्वास कुमार रमेश या ब्रिटिश नागरिकाशिवाय सर्वांचा जळून मृत्यू झाला. Air India flight glitch।

हेही वाचा
“आमच्याकडे वाकड्या नजरेने बघाल तर…” पाकने इराणच्याही पाठीत खुपसला खंजीर