Ai+ Nova Flip 5G: Ai+ कंपनीने गुरुवारी भारतात आपला क्लॅमशेल फोल्डेबल स्मार्टफोन Ai+ Nova Flip 5G लॉन्च केला. याचसोबत कंपनीने Ai+ Nova 2 5G आणि Ai+ Nova 2 Ultra 5G हे स्मार्टफोनही सादर केले. आकर्षक डिझाइन आणि दमदार फीचर्समुळे हा फोन चर्चेत आला आहे. Ai+ Nova Flip 5G च्या 8GB RAM आणि 256GB स्टोरेज वेरिएंटची किंमत ₹29,999 ठेवण्यात आली आहे. हा स्मार्टफोन Glacier White रंगात उपलब्ध होणार असून त्याची विक्री मे महिन्यात Flipkart वर सुरू होईल. मात्र, विक्रीची अचूक तारीख कंपनीने अद्याप जाहीर केलेली नाही. या फोल्डेबल फोनमध्ये 6.9 इंचाचा AMOLED डिस्प्ले देण्यात आला असून त्याचा रिफ्रेश रेट 120Hz आहे. स्क्रीनचे रिझोल्यूशन 2790 x 1188 पिक्सेल असून पिक्सेल डेन्सिटी 443ppi आहे. हा डिस्प्ले 1200 निट्सपर्यंत ब्राइटनेस देतो तसेच 100% DCI-P3 कलर गॅमट आणि 10-बिट कलर डेप्थ सपोर्ट करतो. याशिवाय 2160Hz PWM डिमिंग फीचरही उपलब्ध आहे. फोनच्या बाहेर 3.1 इंचाचा AMOLED कवर डिस्प्लेही देण्यात आला आहे. हेही वाचा – TCS Q4FY26 Results: नफा 13,718 कोटींवर, 31 रुपये डिविडेंडची घोषणा! TCSच्या निकालांनी गुंतवणूकदारांना दिलं मोठं सरप्राइज परफॉर्मन्सच्या बाबतीत हा स्मार्टफोन MediaTek Dimensity 7300 चिपसेटवर चालतो. यात 8GB LPDDR4X RAM आणि 256GB uMCP 2.2 स्टोरेज देण्यात आले आहे. हा फोन Android 15 आधारित NxtQ OS वर कार्यरत आहे. फोटोग्राफीसाठी या फोनमध्ये 50MP मुख्य रियर कॅमेरा देण्यात आला आहे, जो 10x डिजिटल झूमला सपोर्ट करतो. पोर्ट्रेट शॉट्ससाठी 2MP डेप्थ सेन्सर दिला आहे. सेल्फी आणि व्हिडिओ कॉलसाठी 32MP फ्रंट कॅमेरा उपलब्ध आहे. कंपनीच्या माहितीनुसार, हा फोन फोल्ड अवस्थेत किंवा Hover मोडमध्येही स्पष्ट फोटो काढण्यास सक्षम आहे. Ai+ Nova Flip 5G मध्ये 4,325mAh क्षमतेची बॅटरी देण्यात आली असून ती 33W फास्ट चार्जिंगला सपोर्ट करते. याशिवाय PD3.0 आणि PPS स्टँडर्डलाही सपोर्ट आहे. कनेक्टिव्हिटीसाठी ड्युअल 5G सिम, ब्लूटूथ, NFC, OTG, L1 आणि L5 बँडसह GPS आणि USB Type-C पोर्ट देण्यात आला आहे. सुरक्षेसाठी साइड-माउंटेड फिंगरप्रिंट सेन्सर देण्यात आला असून हॉल सेन्सर आणि जायरोस्कोपसारखे सेन्सर्सही फोनमध्ये आहेत. फोल्ड केल्यानंतर या फोनची जाडी 7.2mm असून वजन 193 ग्रॅम आहे. एकंदरीत, परवडणाऱ्या किमतीत फोल्डेबल स्मार्टफोन देत Ai+ ने बाजारात स्पर्धा वाढवण्याचा प्रयत्न केला आहे.